Ақтөбе станциясы аумағында 47 адам жауапқа тартылды

Ақтөбе станциясы аумағында «Құқықтық тәртіп» жедел-профилактикалық іс-шарасы өтті. Оған желілік полиция қызметкерлерінен бөлек теміржолшылар да қатысты.

Халыққа стратегиялық аумақтың күндіз-түні жіті бақылауда екенін түсіндірген теміржол сақшылары қоғамдық тәртіптің сақталуын ескертті, ал Жіңішке және Ақтөбе станциясының қызметкерлері жүргіншілермен түсіндіру жұмыстарын жүргізді. 

Қоғамдық орындарда тиісті тәртіпті сақтау, қылмыстардың алдын алу және жолын кесу мақсатында өткен шарада 47 әкімшілік құқық бұзушылықтар анықталып, осынша адам әкімшілік жауапқа тартылды. Оның ішінде 8 адам қоғамдық орындарда масаң күйде жүрген. ҚР ӘҚБтК-нің 440-бабымен екі рет әкімшілік жауапқа тартылған Жамбыл облысының тұрғыны 6 күнге қамауға алынды.  

«Профилактикалық апталық кезінде шетел азаматтарының Қазақстан Республикасында болу, көші-қон заңнамасын бұзғаны үшін ҚР ӘҚБтК-нің 517-бабымен – 2, ҚР ӘҚБтК 434-бабы бойынша ұсақ бұзақылық жасағаны үшін 2 азамат әкімшілік жауапкершілікке тартылды. Құжат әкімшілік сотқа жолданды», – деді Ақтөбе ЖПб-нің баспасөз қызметі.  

Сонымен қатар жеке қоғамдық орындарда темекі шегу, кәмелетке толмағандардың түнгі мезгілде ата-ана қарауынсыз жүруі бойынша ата-аналар жауапқа тартылды. 1 жасөспірім Ақтөбедегі «Аяла» балалар орталығына орналастырылды.