ҚТЖ объектілерінде қызметтердің өртке дайындығын тексеру жалғасуда
ҚТЖ барлық құрылымдарының вокзалдары, өрт пойыздары, станциялары мен кеңселері өрт қауіпсіздігі талаптарына сәйкестігін тексерді.
Өткен аптада 138 тексеру және жоспардан тыс өртке қарсы жаттығулар, оқытулар өткізілді. Эвакуациялау жолдары мен шығулары, өрт сөндіру құралдарының, өрт дабылы, өрт сөндіру жүйелерінің жарамдылығы тексерілді, өрт кезінде персоналдың іс-әрекеттері пысықталды.
Тексерулер көрсеткендей, теміржол өрт сөндірушілері алдағы жаңа жылдық мерекелер кезінде жұмысқа дайын. ҚТЖ желісінде тұрақты дайындық режимінде Алтынкөл, Қоскөл, Шұбаркөл және Тассай станцияларында 47 өрт сөндіру пойызы және төрт сөндіру бекеті жұмыс істейді.
Сондай-ақ, апта ішінде орталық кеңседе және ҚТЖ тобының кәсіпорындарында өрт қауіпсіздігі талаптарының сақталуына тексеру жүргізілді. Күн сайын жөндеу жұмыстары жүргізіліп жатқан ҚТЖ әкімшілік ғимаратының қабаттарында өрт қауіпсіздігі, техника қауіпсіздігі және еңбекті қорғау шараларының сақталуын тексерумен аралау жүргізілді.
Қосалқы мердігерлік ұйымдардың 127 қызметкерімен өрт туындаған жағдайда іс-қимыл бойынша өртке қарсы нұсқаулықтар өткізілді. Ұнтақты өрт сөндіргіштердің (ОП-5) жарамдылығы, өрт қалқандарының жинақталуы, сондай-ақ өрт және дәнекерлеу жұмыстарын жүргізу кезінде өрт сөндіру бекеттерінің болуы тексерілді. Шартты өртті сөндіру бойынша кенеттен жаттығулар өткізілді.