Машинистер соқтығысудың алдын алды
Өткен тәулікте Тараз және Шымкент ЖТ бөлімшелері учаскелерінде локомотив бригадаларының қырағылығы арқасында теміржол өткелдерінде автокөліктермен соқтығысуға жол берілмеді, деп хабарлайды Rail-news.kz.
Бірінші жағдай сағат 06:26-да Тараз-Шу учаскесінде орын алды. Ақшолақ – Үшбұлақ аралығының теміржол өткелінде электровоз машинисі 55 км/сағ жылдамдықпен Шевроле Кобальт авто көлігіне соқтығыспас үшін шұғыл тежеу қолданды. Жедел әрекет ету арқасында соқтығысудың алды алынды, пойыздың кешігуі 22 минутты құрады.
Белгі берудің дұрыс жұмыс істеуіне және көріністің анықтығына қарамастан, жүргізуші қауіпті бұзушылыққа жол берді. Оқиға туралы ақпарат Тараз қаласының жол полициясына жіберілді.
Екінші оқиға 15:35-те Арыс – Түлкібас учаскесінде тіркелді. Шымкент – Қызылсай аралығында 51 км/сағ жылдамдықпен келе жатқан №2230 пойыз машинисі жеңіл автомобильдің жолға шығуына байланысты шұғыл тежеуді қолданды. Соқтығысудын алды алынды, бірақ жүргізуші оқиға орнынан қашып кетті. Қозғалыстың кешігуі 16 минутты құрады.
Екі факт бойынша да тергеу жүргізілуде. Теміржолшылар тағы да жүргізушілерді жолдарды кесіп өту ережелерін қатаң сақтауға шақырады, өйткені адам өмірі бұзушылықтың қайтарымына айналуы мүмкін.