«Теміржолшылар күні» қайтарылса екен - ардагер

Темір жол тарихы
26.08.2022, 10:10
Суретті түсірген автор
Қосұйым Мұқашев

Атырау облысы бойынша меншікті тілші

Қазақстан темір жолына биыл ширек ғасыр толып отыр. Осы уақыт аралығында отандық темір жол көлігінің тарихын жасағандар үшін бұл – айтулы дата. Солардың бірі – атыраулық ардагер, Құрметті теміржолшы Гүлжан Бекқұлова.

 Теміржол саласында 44 жыл еңбек еткен ардагер 1991 жылы небәрі 33 жаста «Құрметті теміржолшы» атанған. Ол кезде Атырау темір жол бөлімшесінде кезекші болып қызмет атқаратын. Оған дейін Махамбет станциясында кезекші, сосын бөлімшеде пойыз диспетчері болды.  

– Ол жылдары бүгінгідей емес, пойыз өте көп болатын, Атырау – Ақсарай бағытында бір ауысымда 25 жұпқа дейін пойыз өтетін. Бұл дегеніңіз – өте тығыз жұмыс режимі. Пойыздардың бірін қабылдап, бірін жөнелтіп, сұрыптап отырудың өзі күш болатын. Жүк тасымалының қауіпсіздігін қамтамасыз ету үшін темірдей тәртіп болды. Соған бағынып, қиындыққа шыдап жұмыс жасадық. Өз ісінің хас шеберлері ұстаздарым, тәлімгерлерім болды. Соларға қарап шыңдалып өстік. Бөлімшені Амангелді Селбаев басқарды. С.Кулчинов, Б.Насыров, Ә.Татишев, Ү.Сабиров, Е.Карпиков, тағы басқалар темір жолға өмірлерін арнаған еді. Ойлайтындары – тек жұмыс, қауіпсіздік. Таңнан түн жарымына дейін өндіріс басында жүреді, жұмыспен біте қайнасып кетеді. Ғ.Қадырова, Б.Дүйсенбаева, Г.Утаралиева, А.Кеуелов, С.Меркалиев, М.Бекбергенов, Қ.Тыныштықбаев, Қ.Шадияров сынды пойыз диспетчерлері нағыз теміржолшылар болды. Қай-қайсысы да Атырау темір жолына еңбегі сіңген майталмандар еді, – деп еске алады бүгінде зейнеттегі Гүлжан апа.  

Айтуынша, Тәуелсіздік алған алғашқы жылдары теміржол дербестігін ала қойған жоқ. 70 жылдық алып жүйені әп-сәтте бұза салу да оңай болмағаны анық. Сыртқы-ішкі қатынас Одақпен тығыз байланысты болды. «Дербестігімізді 1997 жылы «Қазақстан темір жолы» РМК құрылғанда сезіне бастадық. Бірақ Одақ тараған соң жағдай бұрынғыдан да қиындай түсті.  

– Сол жылдары қалай күнелткенімізге әлі күнге таң қалам. Ақша жоқ, айлап-жылдап жалақы алмаймыз, бартермен анда-санда бірдеңе алып қоямыз, сынып жатқан локомотив вагондарға қосалқы бөлшек жоқ, жол жөндейтін материал жоқ... сондай қиын кезден де өттік қой, бүгінгі қиындықтар біздің көргеніміздің қасында түк емес, – дейді кейіпкеріміз.  

Зейнетке шыққан соң жергілікті теміржол колледжінің шақыруымен болашақ теміржолшыларға темір жол мамандығы бойынша дәріс берген Гүлжан Бекқұлова 25 жыл Қазақстан темір жолы үшін табысты болғанын айтады.  

– Еліміздің көлік әлеуетін дамытуда стратегиялық маңызға ие теміржол саласы шын мәнінде экономиканың күретамырына айналды. Шет елдермен байланыс жақсарды, жүк және жолаушы тасымалы, инфрақұрылым және көліктік логистиканы дамыту, өндіріске жаңа технологияларды, цифрландыруды енгізу қолға алынды. ҚТЖ-ның бүгіні мен кешегісін салыстыруға да келмейді. Қалай болған күнде де, осының бәрі – табысты жұмыс қорытындысы. Бір ғана өтінішім бар, теміржолшылардың төл мерекесін қайтарса екен үкімет. Өйткені, біздің алдымыздағы аға ұрпақ үшін де, біз үшін де, соңымыздан ерген кейінгі буын үшін де тамыздың алғашқы жексенбісі аталып өтетін «Теміржолшылар күні» деген дербес атаулы күннің маңызы зор, – дейді ардагер ана.  

Жүк тасымалы
27.03.2023
ҚХР-дан ОА-ға транзиттік жүк ағындары Алтынкөл станциясына қайта бағытталады
Жүк тасымалы
27.03.2023
Қытайдың Ганьсу қаласынан Қостанайға жүк пойызы бет алды
Жаңалықтар
27.03.2023
«Жолаушылар тасымалы» АҚ паркі жаңа вагондармен толықты
Спорт
25.03.2023
Арыста ұлттық спорт түрлерінен сайыс өтті
Жүк тасымалы
24.03.2023
KTZ Express халықаралық ынтымақтастықты дамытуда
24.03.2023
Мемлекеттік қызметшілердің қызметтік әдепті сақтауы
Аймақтар
24.03.2023
Наурыз тойында станция қызметкерлері мен ардагерлер бас қосты
Аймақтар
24.03.2023
Наурыз мейрамында балаларға тәттілер ұсынылды
Аймақтар
24.03.2023
Теміржолшылар ұлттық мерекені бұқара халықпен бірге тойлады
Спорт
24.03.2023
Әлем чемпионы: Спортты серік еткен теміржолшы Еңбек озаттары қатарында
Жаңалықтар
24.03.2023
ҚТЖ-ның Астанадағы мұражайында Наурыз мейрамына орай ерекше акция өтті
Жаңалықтар
24.03.2023
Әлемді мойындатқан теміржолшы
Аймақтар
24.03.2023
Наурыз – көктем мейрамы
Әлеумет
24.03.2023
Наурыз мейрамында балалар электр пойызымен Бурабайға сапар шекті
Аймақтар
23.03.2023
Наурыз мейрамын бір шаңырақ астында қарсы алды
ҚТЖ келбеті
21.03.2023
Түбектің Табылдысы 70 жаста
Спорт
21.03.2023
Семейде Наурыз мерекесіне орай волейболдан жарыс өтті
Аймақтар
21.03.2023
Теміржолшы һәм саятшы
Жаңалықтар
21.03.2023
Астаналық теміржолшы ұлттық өнерді жаңғыртуда
Жаңалықтар
21.03.2023
Тежегішті дұрыс қолдануға арналған тәжірибелік сабақ өтті