Қызылордадағы уәкілетті орган өкілдері темір жолдағы қауіпсіздік мәселесі бойынша кезекті рейдке шықты
Қызылорда облысы бойынша меншікті тілші
Осындай тақырыппен теміржол бойында қауіпсіздікті сақтау бойынша үгіт-насихат жұмыстарын жүргізудің кезекті рейдін өткізген қызылордалық теміржолшылар қатарында тәртіп сақшылары мен әскерилендірілген күзет өкілдері де болды. Қызылорда станциясының маңайындағы жаяу жүргіншілер үшін қауіпті саналатын Шұғыла, КБИ аудандарында рейд өткізген теміржолшылардың үгіт тобына Қызылорда жол дистанциясының жол шебері Мақсат Абдраманов, қауіпсіздік инженері Әлияр Өтегенов, ӘТЖК қызметінен Асылбек Жоламанов пен Жеңісбек Есназоров, ЖІІб полиция майоры Асыл Сапарбек, «Теміржол» партия филиалы төрағасының орынбасары Базара Танбаева қатысып, қауіптілігі жоғары аймақта жүріс-тұрыс ережесін түсіндірумен қатар теміржол өткелдері тұсына ілінген ескерту билбордтарын жаңалап, 150 шақты ескерту парақшаларын таратты. Дегенмен тұрғындардың ескертуге бей-жай қарайтыны, кейде үгіт тобының әрекетіне бойұсынғысы келмейтіндердің кездесетінін, тек топта полиция өкілінің болғанынан ғана ескертуге тоқтап, айтқанды тыңдайтындығы байқалады. Ал тұрғындар осы ауданда көпір салынады, өткел салынады деген әңгіме әлі күнге іске аспай жатқанын айтып шағымданды, жаяу жүргіншілер жолы мен көпір құрылысы ертерек қолға алынса деген тілектерін жеткізді.