Теміржолшылар ауласында ән әуелеп, күй күмбірледі (Фото)

Жамбылдық теміржолшылар кәсіби мерекені салтанатты жағдайда атап өтті. Бөлімше ауласында кең дастархан жайылып, әуелеген ән мен күмбірлеген күй тербелді.

Жүк тасымалы бөлімшесінің директоры Молдахмет Қожабеков пен Магистральдық желі бөлімшесінің директоры Сұлтан Борамбаев әулиеаталық теміржолшыларды   кәсіби мерекемен құттықтап, биылғы жылдың жетістіктеріне тоқталды. Мереке әрине марапатсыз өткен бе?! Жамбыл бөлімшесі директорының бірінші орынбасары Мақсатбек Қазақбаев, Шу станциясының пойыз құрастырушысы Мейіржан Сейіткерімов, Тасымалдауды ұйымдастыру және тасымалдау шарттары бөлімінің бастығы Болатбек Абдуов кеуделеріне «Құрметті теміржолшы» төсбелгісін қадады. Тағы бірқатар теміржолшылар «Адал еңбегі үшін» медалімен, «ҚТЖ» ҰК» АҚ Басқарма төрағасының Құрмет грамотасы, Алғыс хатымен марапатталды. Мерекелік шара спорттық ойындарға ұласып, «бәйге берем жығылған палуанға да» дейтін күн болды...