Ақтөбелік теміржолшылар ұлттық дəстүрді жаңғыртты
Ақтөбе облысы бойынша меншікті тілші
Биылғы Наурыз мерекесін ақтөбелік теміржолшылар кең көлемде атап өтті. Бөлімше ауласына этно-ауылдар тігіліп, қазақтың тұрмыс-салтынан көріністер қойылып, ұлттық дəстүрін жаңғыртты.
Үлкендер тілек айтып, жас-кәрі ұлттық киімде мерекенің сәнін келтірді.
«Наурыз – жыл басы ғана емес, бұл ең алдымен береке мен бірліктің бастауы, ізгілік пен жақсылықтың символы. Наурыздың қадір-қасиетін айшықтайтын «Наурызнама» онкүндігі жарияланып, тұжырымдама қабылданды. Əр күн белгілі бір тақырыпқа арналып, терең мазмұн-мəнге ие болды. Қазақтың ежелгі жыл санауы бойынша биылғы Ұлу жылы құтты болсын», – деді «ҚТЖ-Жүк тасымалы» ЖШС «Батыс» филиалының директоры Бөріхан Беркімбаев.
Мерекелік шарада теміржолшылар тамылжыта əн шырқап, өнерлерімен тамсандырды. Əсіресе айтыстан алынған пародиялар көпшілікті қыран-топан күлкіге қарық қылды. Қыз бен жігіт, аға мен қарындастың образын сомдаған теміржолшылар қазақы əзілдер, шымшыма мысалдармен көпшіліктің көңілін көтеріп тастады.
