ҚТЖ қызметкерлер үшін заманауи автобустар сатып алды

Павлодар станциясына тасымалдау процесіне қатысатын Павлодар жүк тасымалы бөлімшесінің қызметкерлерін тасымалдауға арналған отандық өндірістен шыққан 9 заманауи автобус жеткізілді. Автобустар Павлодар, Екібастұз, Ақсу станцияларына және Екібастұз вагон пайдалану депосына беріледі, деп хабарлайды Rail-news.kz.

«Біз үшін қызметкерлеріміз үшін қолайлы және қауіпсіз еңбек жағдайларын қамтамасыз ету басымдық болып табылады. Адамдарымыздың жұмыс орындарына және ауысымнан кейін үйлеріне уақтылы әрі еш қиындықсыз жетуі маңызды», - деп атап өтті Павлодар жүк тасымалы бөлімшесінің директоры Азамат Тайжанов.  

Әлеуметтік тұрақтылықты жақсарту бағдарламасы аясында «ҚТЖ-Жүк тасымалы» ЖШС «СемАз» ЖШС отандық өндірушісінен 22 Dongfeng маркалы жолаушылар автобусын және 14 Газ-А65 R33 шағын автобусын сатып алды.  

Жаңа автобустар Қазақстанның бірқатар өңірлеріне: Ақмола, Қостанай, Павлодар, Қарағанды, Семей, Алматы, Жамбыл, Шымкент, Ақтөбе, Атырау және Маңғыстау филиалдарына бөлінеді.