«Мен – донор» акциясы жалғасуда
Ақмола жүк тасымалы бөлімшесінің қызметкерлері «Мен – донор» волонтерлар акциясына қатысты. Олар астаналық трансфузиология орталығына барып, қандай да бір адамның өмірін құтқару үшін қан тапсырды.
Яғни, теміржолшылар елорда ауруханаларының емделушілері үшін қан тапсырған болатын. Бұл акция «ҚТЖ-Жүк тасымалы» АҚ-ның «#2020БЛАГОродныхделКТЖ» и «#порельсамдобра» әлеуметтік жобалары шеңберінде ұйымдастырылып отыр. Теміржолшылар алдымен терапевт тексерісінен, сондай-ақ, қан тобын анықтау үшін алдын ала лабораториялық зерттеулерден өтті. Астаналық локомотив пайдалану депосының кадрлар жөніндегі менеджері Венера Қалмаханова – 8 жылдық өтілі бар донор. Осы уақыт ішінде ол үш литрден асатын қан тапсырыпты.
«Біз қан тапсыру арқылы біреудің өмірін құтқарып қалуға септігімізді тигіземіз. Қайырымды іске өз үлесімді қосып жатқаныма қуанамын», – дейді ол.
Теміржолшылар өз әріптестері арасында қан тапсырып, донор болуды белсенді насихаттап келеді. «Мен – донор» акциясын бүгінде семейлік болат магистраль қызметкерлері іліп әкетіп, жалғастыруда.