Сегіз айда ҚТЖ желісі арқылы 212,7 млн тоннадан астам жүк тасымалданды

2026 жылғы қаңтар-тамыз айларының қорытындысы бойынша «Қазақстан темір жолы» ҰК» АҚ желісі арқылы 212,7 млн тонна жүк тасымалданды. Республика ішіндегі тасымал көлемі 112,4 млн тоннаға жетті. Экспорттық тасымал 6,8%-ға артып, 61,5 млн тоннаны құрады, деп хабарлайды Rail-news.kz.

Жыл басынан бергі сегіз айда ҚТЖ желісі бойынша 68,3 млн тонна таскөмір тиелді. Бұл өткен жылдың сәйкес кезеңімен салыстырғанда 2%-ға көп. Оның 46,8 млн тоннасы қазақстандық тұтынушыларға жеткізілді (+2%), ал экспортқа 21,5 млн тонна көмір жөнелтілді (+2%).

Астық тасымалында да оң динамика сақталды. Қаңтар-тамыз айларында 9,3 млн тонна астық тиелді, бұл өткен жылдың сәйкес кезеңінен 13%-ға жоғары. Астық экспорты 14%-ға өсіп, 7,2 млн тоннаға жетті. Республика ішінде 2,1 млн тонна астық тасымалданып, өткен жылғы көрсеткіштен 8%-ға артты. Ұн тарту өнімдерінің экспорттық тасымалы 6%-ға өсіп, 1,8 млн тоннаны құрады.

Есепті кезеңде ҚТЖ желісі арқылы 14,6 млн тонна түсті кен және 13,4 млн тонна құрылыс материалдары тасымалданды.

Басқа да негізгі жүк түрлері бойынша өсім байқалды. Темір кені тасымалы 69 млн тоннаға жетіп, 1,3 млн тоннаға немесе 1,9%-ға артты. Қара металдар тасымалы 10,8 млн тоннаны құрап, 4,5%-ға өсті. Шикі мұнай тасымалы 1,5 млн тоннаға жетіп, 29,8%-ға артты.