Ақтөбеде 500 адам қашықтан жұмыс істейді

Ақтөбе ЖТ және Магистральды желі бөлімшесі қызметкерлерінің арасында карантинде жатқан теміржолшылар жоқ. Өңірде барлығы 500-ге жуық теміржолшы қашықтықтан жұмыс жасау тәртібіне көшірілсе, өндіріспен тіке жұмыс істейтін 9 мыңнан аса теміржолшы шойын жолдың бойында қызметтерін қалтқысыз атқарып жүр.

Елде енгізілген төтенше жағдайға байланысты санитарлық және эпидемиологиялық шаралар ұйымдастырылып, тәртіп күшейтілді. Аса маңызды мемлекеттік және стратегиялық нысандар арнайы штаб бекіткен режимге көшті. Ел басына күн туған жауапты кезеңде эконмикалық ахуалды құлдыратпай, жүк тасымалдау жұмыстарын барынша жандандырған теміржол саласы жұмысын тоқтатқан жоқ.

Соның ішінде тоғыз жолдың торабында орналасқан Ақтөбеде сақтық шаралары ерекше жолға қойылған. Батыс Еуропа- Батыс Қытай халықаралық транзиттік көлік жолында жүк тасымалы жүріп жатыр. Ақтөбе жүк тасымалы бөлімшесі бойынша 300-ге жуық, ал магистальды желі бөлімшесінде 200-ге жуық қашықтан жұмыс жасау тәртібіне көшкен мамандар да қызметтерін жалғастырып жатыр.

«Әкімшілік және инженерлік-техникалық қызметтегі 769 маманның 267-сі қашықтан жұмыс жасауда. 450 жұмысшы кезекті еңбек демалысында. Қызметкерлердің 84,7 пайызы, яғни 4431 теміржолшы жұмыс орындарында. Барлық жұмысшыларға қорғаныш құралдары таратылып, санитарлық талап қатаң сақталуда»,-дейді Ақтөбе ЖТ бөлімінің кадр маманы Абзал Ғаббасов.

Ал Магистальдық желі бөлімшесі бойынша 190 адам қашықтықтан жұмыс жасауға көшті. Оның ішінде 87сі бөлімше мамандары болса, өндірістіктен де 103 адам бар. Бөлімшелер әсіресе, коронавирус инфекциясын жұқтыру қаупі басым аймақтағы тәртіпті күшейткен. Тауар кассирлері, локомотив бригадалары мен депо жұмысшыларының денсаулығы медицина қызметкерлерінің бақылауында.

Қауіпті аймақта жүрген осындай 234 қызметкер барлық қорғаныш құралдарымен қамтамасыз етілген. Оларға 17 мың медициналық бетперде берілді. Оның бір мыңын кәсіподақ таратты. Екі мың резеңке қолғап және мың литр антисептик таратылды. Орск станциясының шекарасында күніне 3-4 вагон қараушы мен шебер жұмыс жасайды. Олар Никельтау станциясынан шыққаннан медициналық тексерістен өтіп, Орск станциясында тағы медициналық тексеріс жасалады.