Шағын бекеттерде жалғасты
Маңғыстау облысы бойынша меншікті тілші
Шалғайда орналасқан теміржол бекеттерінде тұратын халыққа коронавирус індетінен сақтану шараларын түсіндіру мақсатында түбек теміржолшылары тәртіп сақшыларымен бірге №15-16 бекеттерге барды.
Бекетті аралап, тұрғындармен кездескен олар қазіргі елде жарияланған төтенше жағдайға байланысты қауіпсіздік шараларынан ақпар беріп, аталған тәртіпті қатаң сақтауды ескертті.
Сондай ақ COVID-19 вирусының таралуына жол бермеу мақсатында үйлерінен аса қажеттілік болмаса шықпау, шыққан күннің өзінде қорғаныш бетперде мен қолғап кию керектігін түсіндірді.
− Профилактикалық жұмыстарымыздың негізгі мақсаты коронавирус инспекциясының таралуына жол бермеу, халықтың денсаулығын қорғау. Әрбір тұрғын осы тұрғыда өңірімізде карантин режимі және шектеу шаралары қабылданғанына түсіністік танытуын, оған амал қылуын ескерту. Халыққа осыны жеткізу, және темiржолдан өткен кезде қауіпсіздік шараларын сақтауды, арнайы белгіленген орындардан өтуін, теміржолға мал жібермеуін түсіндіру. Егер малын теміржолдың бөлінген жолағында жаю қағидаларын бұзған жағдайда ҚР ӘҚБтК-нің 559 бабының 1-бөліміне сәйкес әкімшілік жауапқа тартылатынынан хабардар ету, -дейді Маңғыстау станциясындағы ЖПБ ӘПб инспекторы Нұрлыбек Рахметов.
Оның айтуынша, Маңғыстау облысы бойынша карантинге байланысты 11 блок-бекет пен мобильдік жылжымалы бекеттер, яғни санитарлық бекеттер орнатылған.