Салмақ – станция басшыларына түсті

Аймақтар
21.04.2020, 10:31
Қуаныш Қожаев

Абай облысы бойынша меншікті тілші

«ҚТЖ» ҰК» АҚ басқарма басшысының бірінші орынбасары К.Е. Әлмағамбетовтың 20-шы наурыздағы №00046 телеграфтық нұсқауы бойынша «Көктемгі байқауды өткізу туралы» арнайы бұйрық қабылданып, ел шығысындағы Семей ЖТ бөлімшесі бойынша көктемгі байқау басталды.

Ерекшелігі сол, биылғы тексеру жұмыстары облыс бойынша енгізілген күшейтілген төтенше жағдайға байланысты жылдағыдан өзгеше өтуде. Семей бөлімшесінің басшысы Сиязбек Әлішевтың №490-шы бұйрығы аясында көктемгі байқаудың жылдағы қалыптасқан дәстүрден айырмашылығы сол, биылғы төтенше жағдайға байланысты және COVID-19 инфекциясының таралуына жол бермеу үшін ЖТ-6, НЖС-6 мен РБ-6 бойынша арнайы комиссия жасақталған жоқ. Яғни, негізгі салмақ станция басшылары мен желілік құрылымдар жетекшілеріне түсіп тұр. Белгіленген телімдер бойынша көктемгі байқауды мекеме басшылары өздері өткізіп, тиісті құжаттамалар әзірлеуі тиіс.

Қазіргі қалыптасқан жағдай ескеріліп, 10-шы сәуір күні басталған көктемгі байқау 15-ші мамырға дейін созыла тын болды. Басты мақсат – теміржолға тиесілі өндірістік-техникалық нысандар мен жылжымалы құрамдардың қазіргі ахуалын бағалау, сала қызметкерлерінің жазғы жұмыстарға әзірліктерін пысықтау, қозғалыс қауіпсіздігін анықтау мен өрттен сақтану және өндірістік жарақатқа жол бермеу шараларының жүргізілуін қадағалау, еңбекті қорғау мәселелерін анықтау болып отыр. Осы орайда бөлімшеге қарасты станциялар мен барлық салалық кәсіпорындарда байқау шаралары жүргізіліп жатыр. Желі бойындағы тексеруге негізінен басшылық құрам ғана шығуда. Оларға тек қозғалыс ревизорларының қатысуына ғана рұқсат бар. Шара барысында анықталған кем-кетіктің барлығы белгіленген тәртіпке сәйкес ДУ46 журналына тіркелуде. Оның нәтижесінде анықталған кемшіліктерді жою бойынша арнайы шешім қабылданатын болады. 

Көктемгі байқау шараларын кластан тыс саналатын учаскелік Семей станциясы басшылығы да жүргізуде. Теміржол саласында 30 жылдан аса еңбек өтілі бар станция басшысы Алтынбек Мәмбетов дәл мұндай күшейтілген карантин жағдайындағы көктемгі байқауды алғаш рет өткізіп отырғанын айтады.

– Вирустық инфекциядан сақтану мақсатында көп адамның жиналуына тыйым салынған. Сол себепті тек жауапты адамдар ғана, атап айтсақ, станция басшылары - бас инженер мен оперативтік жұмыстар бойынша орынбасарым үшеуміз ғана жұмыс жүргізудеміз. Межелі іс-шаралар, жоспар «Станция бастығы күнінде» нақтыланған болатын. Бірінші кезекте станция басындағы құрылғылардың қыстан шығуын, жұмысын анықтап, нормативтік-техникалық құжаттамалардың рәсім-делуін назарға алудамыз. Жалпы, бір станцияға толық көлемде тексеру жүргізу үшін үш күн кетеді екен. Мамырдың 1-не дейін барлық құжаттар мен хаттамалар әзірленіп өткізілмек, – дейді станция басшысы Алтынбек Болатбекұлы.

Байқаудың алғашқы күнінде басшылар сұрыптау дөңесінде болып, ондағы процесс барысын назарға алды. Мұнда реттеуші-регулировщиктердің жұмысы пысықталып, біліктіліктері де тексерілді. Себебі, байқау талабы бойынша өндірісте еңбек етуші қызметкердің кәсіби деңгейі де анықталуы қажет. Нәтиже көрсеткендей, қызметтік ахуал талапқа сай болып шықты. Башмактардың барлығы арнайы орынға қойылған, дөңес рельстері толығымен майланған, маневрлік тепловоз машинисімен радио байланыс үзіліссіз жүруде. Әр қозғалысты қалт жібермей бағып отырған маневрлік диспетчердің нұсқаулықтары да бұлжытпай орындалуда. Жазатайым жағдай орын ала қалса, өртке қарсы құралдар да сақадай сай тұр.

Сол тәрізді станция басындағы қосындар да тексерілді. Қазіргі күні көктемгі байқауға байланысты барлық посттарда тазалық шаралары да жүргізілген болатын. Яғни, жылдағыдай байқауға әзірлік жүріп, жүйелі түрде даярлық жасалды. Себебі, байқау аясында жұмыс орнының қолайлылығына, санитарлық тазалығына, ондағы залалсыздандыру жұмыстарына да назар аударылуда.

Дәл осындай тексеру жұмыстары желі бойындағы Аягөз, Дегелең, Жаңғызтөбе, Шар сынды тораптық станцияларда да өткізілуде. Аталмыш елді мекендерге кіріп-шығу шектелгендіктен көктемгі байқауды өз күшімен өткізген станция басшылары оның нәтижесін бөлімше орталығына электронды түрде жібереді.

Өзгеше өтіп жатқан көктемгі байқау барысында анықталған кемшіліктер мен ақаулықтарды жою үшін арнайы мерзім белгіленетін болады. Ол үшін өндірістіктехникалық бөлім мамандарының қатысуымен мамырдың 20-на дейін арнайы хаттама толтырылмақ. Ал, бұл бағыттағы жұмыстар бөлімше басшысы Сиязбек Әліпбайұлының назарында тұр. 

Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті
Жолаушылар тасымалы
26.08.2025
«Keruen Express» турпойызымен 130-дан астам жолаушы сапарға аттанды