Жаңа электр тартымы орнатылды
Шымкент қаласы бойынша меншікті тілшісі
Жуырда Монтайтас шағын станциясындағы 1987 жылдан бері пайдаланылып келе жатқан ескі электротехникалық құрал-жабдық ауыстырылды.
Осылайша 33 жылдан бері жаңартылмаған электр тартымы станцияны қосымша электр қуат көзімен қамтамасыз ететін болады. Жаңа жабдықтың сыйымдылығы 210-1000 А/ч, кернеуі 12-96 В. Пайдалануға берілген аккумуляторлық батарея қазіргі кезде жұмысын мүлтіксіз атқарып тұр.
Айта кетейік, бұл жұмыстар Шымкент қаласындағы ЭЧ-24 мекемесінің электрмен жабдықтау құрылғысын жақсарту мақсатында жасалды. Мекеме бұдан басқа да бірнеше монтаждау жұмыстарын жүргізді. Сонымен қатар, Шымкент ШЧ-37 және Арыс қаласындағы ШЧ38 байланыс және белгі беру дистанцияларында да бірқатар жұмыстар атқарылды. Атап айтқанда, барлық құралдардың техникалық мәліметін енгізу және СОБ блоктары АСУШ бағдарламасымен қамтамасыз етілді.
Дистанциялар бойынша жалпы шақырымы 340,6 км құрайтын Шымкент-Арыс, Арыс-Сарыағаш, АрысТүркістан, Шымкент-Қорғасын-Тоғыс учаскелеріне АСДЦ типіндегі өзіміздің отандық өнім орнатылды. Яғни, диспетчерлердің бақылау жүйесіндегі микропроцессорды орнату жұмыстары жүргізілді. Сондай-ақ, ЭЧ-24 мекемесі 2020 жылдың жоспарға сай бекітілген алғашқы тоқсандағы жұмысының барлығын толық көлемде сәтті аяқтады.