Ақаусыз жөнелтеді

Түркістан станциясына тоқтайтын вагондардың бірін қалдырмай тексерістен өткізіп, қауіпсіздігін қамтамасыз етіп жөнелтіп отырған вагоншылардың қырағы жанарынан қалт кеткен ақау ілуде бір кездеседі. 

Арыс ВЧДЭ-30 мекемесіне қарасты вагондарға техникалық қызмет көрсету пунктінде жыл басынан бері 2946 вагон берілсе, 3073 пойыз қабылданып алынған. Ал ағымдағы жөндеу жұмыстарынан 140 вагон тиісті жөндеуден өткізілген. Ақау анықталған вагонды құрамнан ағытып алып, ағымдағы жөндеу жұмыстарын жүргізеді. Жөндеуге келмей мерзімі өтіп кеткен вагондарды да анықтаумен қатар, вагондарды жүк артуға дайындау да вагоншылар міндеті. 

Қабылданған пойыздардың ішінде жыл басынан бері 9 вагон ағытылған. Ал ТМД елдерінің вагондарынан 8 вагон ағытылды. Цехта 33 вагонның тежегіштері жөндеуден өтсе, 2 вагонның соққы тартымы бойынша приборы жөндеуден өткізіліп,1 вагонның надрессор балкасы жөнделген, 100 шақты вагонның басқа да жеңілжелпі ақаулары жөнделіп, қалпына келтіріліпті. Бұдан бөлек, ағымдағы ағытып жөндеу цехында ТМД елдерінің меншігіндегі 119 вагон ағытылып, жөндеуден өткен. 

Сонымен қатар, тамыз айында 8 жабық вагон, ал жыл басынан 74 жабық вагон жөндеуден өткен. Оның ішінде 63 вагонға жүк тиелген. 8 жартылай ашық вагон, ал жыл басынан 41 ашық вагон, тамызда 1 цистернавагон, жыл басынан 7 цистерна-вагон жөнделді. Автотежегіші істен шыққан 3 вагон тамызда жөнделсе, жыл басынан 33 вагон жөндеуден өтіпті. Жалпы, тамыз айында 19 вагон жөнделсе, жыл басынан бері 140 вагонды түркістандық вагоншылар жөндеп шықты. Оның 109-ына жүк артылған. 

Ағытылған вагондардың ішінде жоспарлы түрде жөндеуге келмей, мерзімі өтіп кеткендері де болады. 

Тамыз айында мерзімі жарамсыз 18 вагон, жыл басынан 107 вагон анықталған.