Қытай-Еуропа бағыты бойынша контейнерлік пойыздардың жылдамдығын 1080 км-ге дейін жеткізуді жоспарлануда
Шымкент қаласы бойынша меншікті тілшісі
Шымкент жүк тасымалы бөлімшесінде қозғалыс қауіпсіздігін қамтамасыз ету, шығындар бюджетін орындау, тасымалданатын жүктердің сақталуын қамтамасыз ету, қауіпсіздік техникасын және еңбек қорғау шарттары мен тәртібін сақтау бойынша жүйелі жұмыстар жалғасын табуда. Бөлімшенің алдағы уақытта шешетін мәселелеріне тоқталсақ, Қытай-Еуропа бағыты бойынша контейнерлік пойыздардың жүру жылдамдығын тәулігіне 1080 км-ге дейін жеткізуді жоспарлап отыр. Бұдан бөлек, КТТ вагондарының үлесін арттыру үшін клиенттерді шақыра отырып, «КТТ» АҚ-ның қатысуымен ай сайын кеңестер өткізуді де қолға алып жатыр. Сондай-ақ, Шымкент жүк тасымалы бөлімшесінде қажеттiлiкке байланысты қызметкерлерді оқытуды 100%-ға жеткізуді көздеп отыр. «Оқытудың жаңа әдістері мен нысандарын, оның ішінде іскерлік ойындарды пайдалана отырып, техникалық сабақтарды өткізу сапасын жақсартсақ дейміз. Жұмыс орындарындағы пойыздық және нормативтік-техникалық құжаттамалар тізбесін өзектендіруді жүргізу және QR-кодтар негізінде «электрондық кітапханаға» енгізе отырып, пойыздық және нормативтік-техникалық құжаттамалар тізбесін жергілікті шарттар бойынша әзірлеуді бастадық», – деді Шымкент жүк тасымалы бөлімшесінің бас инженері Ильяс Нұржанов.