Қызылордалық машинистері жолға шыққан малды баспас үшін 28 рет пойызды тоқтатқан

Қызылорда магистральдық желі бөлімшесі қауіпсіздік бөлімінің бас маманы Бақытбек Сәрсенов жыл басынан бері жергілікті теміржолшылар тарапынан кешенді іс-шаралар қолға алынып, көлемді жұмыстар жасалғанмен, пойыздардың қозғалыс қауіпсіздігіне түрлі деңгейде қауіп төніп, соның әсерінен жылжымалы құрамдардың қозғалыс кестесі бұзылып отырғанын хабарлады. Жалпы бөлімше бойынша биылғы жылдың алты айында локомотив машинистері жолға шыққан мал-жанды баспас үшін 28 рет шұғыл тежегіш беріп, пойызды тоқтатқан. – Қызылорда магистральдық желі бөлім- шесіне қарасты Сексеуіл-Жезқазған, Сексеуіл-Түркістан станциялары аралығында пойыздардың қозғалыс қауіпсіздігін қамта- масыз ету үшін біз қолдан келгеннің бәрін жасаймыз. Алайда, бөгде адамдар мен иесіз малдың теміржолға шығып кетуінен қозғалысқа кедергі көбейіп отыр. Қараусыз малдың пойызға басылу жағдайы өткен жылмен салыстырғанда 5 жағдайға артып отыр. Адамдардың пойыз астына түсуі көбіне ішімдіктің салдарынан және белгілі-белгісіз аурудың, түсініксіз жағдайдың әсерінен өз өмірлеріне қауіп төндіретіндер де көбейген. Ал халықтың бала-шағасының несібесіне деп өсірілген ақ-адал малын қараусыз жі беріп, пойыздың астына түсуіне жол беруі барып тұрған жауапсыздық емес пе? – деп шарасыздық танытты қауіпсіздік бөлімінің бас маманы Бақытбек Сәрсенов. Қауіпсіздіктің сақталуы үшін аймақ теміржолшылары жол бойындағы қоршауларды арттырған, биыл ескілерін жаңартып, жаңадан 74 шақырымды қоршау жұмыстары қолға алынуда. Сонымен қатар 137 шақырым қоршауды жаңартып-жөндеу жұмыстары барысында 16,33 шақырым қоршау жөндеуден өткізіліпті. Жыл басынан бері станцияларда 139 рет түсіндіру жиындары өтіп, ол 4470 адамды қамтыған. Теміржол маңына мал бағу және жолдан малды айдап өткізу ережесімен 6729 тұрғын таныстырылған, 4738 тұрғынға ҚР әкімшілік Кодексінің 439-бабының 1-5-тармақшаларынан үзінді парақтар таратылған. Мектептер мен жоғары оқу орындарында 73 рет жиналыс өткізіліп, 5187 оқушыға теміржолдың қауіптілігі түсіндірілген. Желілік ІІб инспекторлары мен теміржолшылар бірлесіп 76 рет рейд өткізген.