Қызылордалық теміржолшылар ұжымдық иммунитеттің қалыптасуына атсалысты
Қызылорда облысы бойынша меншікті тілші
Қызылорда ЖТ бөлімшесінің теміржолшылары әлемді жайлаған пандемиялық індеттен сақтану үшін ұжымдық иммунитетті қалыптастыруға жақын. Аймақтағы әрбір салалық мекемеде арнайы мамандардан құралған топ түсіндіру жұмыстарын жүргізу өз нәтижесін беріп, екпе алушылар қатары күрт өсті. Шілде айына дейін бөлімше теміржолшыларының 70 пайызға жуығы екпе алып, ұжымдық иммунитеттің қалыптасуына атсалысты. Кадр бөлімінің басшысы Жанар Ибрагимова теміржолшылар үшін екпе қабылдауға барлық жағдай жасалып отырғанын жеткізді.
– Шілде айына дейін бөлімше теміржолшыларының 67,3 пайызы Соvid-19 пандемиясына қарсы екпе салдырып, ұжымдық иммунитетің қалыптасуына үлес қосты.
Осы кезге дейін Ұлттық компания бойынша вакцина салдырып денсаулықты сақтау жұмыстары бойынша алдыңғы қатардан көрінген біздің бөлімшеге ҚТЖ басшылығы тарапынан алғыс хат берілді. Саулықтың сақтықта екенін ұғынған теміржолшылар қатары көбейіп отырғаны бізді қуантады, – деді Жанар Ибрагимова.