Атыраудағы темір жолдардың басым бөлігі темір-бетон шпалдарға ауыстырылды

Атырау жүк тасымалы бөлімшесі өндірісті аймақта орналасқандықтан мұнда жұмыс көлемі де жоғары. Соған сәйкес, бөлімшеде жол қауіпсіздігі мен еңбек қорғауға айрықша назар аударылады. Бүгінде өңір темір жолдарының 60 пайызы темірбетон шпалдарға ауыстырылған. Соның ішінде Исатай-Ақсарай учаскесінің Ганюшкино-РЗД№7-де бөлек пункт ашылғалы бері телімде тәулігіне 24-тен 28 жұпқа дейін пойыз өткізу қабілетіне жетті. Атыраудың мұнайлы аймақ болуына байланысты мұнай және мұнай өнімдерін жіберушілер негізінен «Теңізшевройл», «Батыстрансгрупп», «Парк хранения сжиженного газа», «Тенгизская Транс- портная Компания» сынды компаниялар. Сондай-ақ өлкедегі Қарабатан елді ме кенінде газ өңдейтін үлкен зауыт құрылысы салынып жатқандығына орай, көптеген мекемелермен, соның ішінде «АМӨЗ» ЖШС, «Теміржол Құрылыс Атырау» сынды кәсіпорындарда вагондарды эстакадаға тақау үшін жолдарды ұзарту бағытында ұсыныстар енгізіліп, іске асуда. Өткен жылдары Атырау- Мақат аралығында 24,7 км, Исатай-Д.Нұрпейісова аралығында 24,3 км жол жаңа материалдармен күрделі жөндеуден өтіп, сол арқылы учаскелерде жүк қозғалысы- ның жылдамдығы 70-тен 90 км/сағатқа, жолаушы пойызы қозғалысының жылдамдығы 80-нен 100 км/сағатқа артты. Жүк айналымы көлемін 5 пайызға арттыру арқылы еңбек өнімділігін арттыру, электр энергиясын үнемдеу, қозғалыс құрамын тиімді пайдалану, пойыздардың салмағы мен ұзындығын арттыру арқылы локомотив-сағаттарды қысқарту, жол шаруашылығында канадалық әдістерді қолдану арқылы озық механизмдерді пайдалану сынды жұмыстар табысты жүргізіліп келеді.