Атыраулықтар мал азығана зәру Маңғыстау жұртына екі вагон шөп жіберді

Маңғыстауға оңтүстік пен солтүстіктегі ағайыннан ала жаздай талай вагон жем-шөп жеткізілгенін жаздық.

• Маңғыстауға 100 вагонға жуық жем-шөп жеткізілді
• ҚТЖ Батыс өңірлерге жем-шөп тасымалдауды тамыздың соңына дейін ұзартты
• Ақтөбеліктер де іргелес жатқан маңғыстаулықтарға қарайласа бастады
• Оңтүстіктен батысқа мың тонна шөп жөнелтілді

Биылғы құрғақшылық қысқан түбек шаруаларына қолдау әлі де жалғасып жатыр. Атырау өңірлерінің климаты да Маңғыстауға ұқсас болуына қарамастан мұнайлы өңірдің халқы да қарап қалмай, жуырда екі вагон тегін шөп жеткізілді. Атыраудың Махамбет және Құрманғазы ауданынан маңғыстаулықтарға жіберілген сәлемдеме Маңғыстау станциясына түсіріліп, шаруаларға таратылды. Жергілікті тұрғындар қиын кезде қол ұшын созып жатқан халыққа алғыстан басқа айтары жоқ. Атыраулық ағайынның қолдауына риза болған олар арнайы видео жолдап, ықыластарын білдірді.