«ҰмтылFest»: Финалда кездесетін командалар анықталды

Спорт
24.04.2023, 10:39
Суреттерді түсірген Александр ЖАБЧУК
Әділет Мұсахаев

"Қазақстан теміржолшысы" газетінің тілшісі

Өткен сенбіде теміржолшылар қатысып жатқан «ҰмтылFest» спорттық іс-шарасының соңғы іріктеу сайысы өтті. Іріктеуден өткен командаларды алыда финал күтіп тұр.

«Көңілді старттың» осы жолғы кезеңіне «ҚТЖ» ҰК» АҚ-ның елордадағы еншілес ұйымдарының қызметкерлері қатысты. Сайыс барысында Дружба, Барыс және Максимум құрама командалары бақ сынасып, кім мықтыны анықтады.

Ойынның шарты бойынша 10 адамнан тұратын 3 команда эстафеталық ойынның он түрінен жарысады. Команда құрамы жеребе арқылы анықталады, яғни бір команда құрамында әртүрлі мекеменің қызметкерлері өнер көрсетеді.    

Сенбіде сергек келген ойыншыларды ҚТЖ басшылығы қолдай келіпті. Жарыстың ашылуында сөз алған «ҚТЖ» ҰК» АҚ Аппарат басшысы Серік Кеулімжаев, «Қазкөліккәсіп» ҚБ төрағасының орынбасары Жұпарбек Сәбитов, «ҚТЖ-жүк тасымалы» ЖШС-і бас директорының ұжымдық мәселе жөніндегі орынбасары Досбол Күлекеев қатысушыларға сәттілік  тіледі.

Сонымен көп күттірмей сайыс та басталды. Ұйымдастырушылар әр сайыстың алдында ойын тәртібін түсіндіріп отырды. Жарыстың қызығы да сол, келген қатысушылар қандай ойын түрінен бақ сынайтындарын білмейді, ойынның шарты тек сол жерде түсіндіріледі.  

Сайыс кезінде командалар доптың үстіне отырып та секірмемен секіріп те  жарысты. Оған қоса, түрлі кедергілерден тұратын эстафеталық ойындар жарыстың көркін одан сайын қыздыра түсті. Бірі шалынып құлап жатса, тағы бірі ептілігін көрсетіп кедергілерді оңай еңсеріп жатты. Алғашқы ойындарда Дружба командасы жоғары ұпаймен алға шыққан еді, кейін ойын ауаны өзгеріп Барыс командасы оларды басып озды. Ойындағы негізгі тартыс осы екі команда арасында өрбіді десек те болады. Шапшаң қимылдап, берілген тапсырманы мұқият орындай білген Барыс командасы жеңімпаз атанып, келесі аптада өтетін финалға жолдаманы ұтып алды.  

Ұпай санының нәтижесі:

Барыс – 89 ұпай;

Дружба – 83,9 ұпай;

Максимум – 61,2 ұпай.

Айта кетсек, жарыс 4 кезеңнен тұрады. Бірінші кезең филиал қызметкерлері арасында өткен. Екінші кезеңде Орталық аппарат қызметкерлері өнер көрсетті. Осы жолғы үшінші кезеңде еншілес ұйымдар бақ сынасты.  Әр кезеңде топ жарған Барыс, Адреналин және Несокрушимые командалары келесі сенбіде финалда кездеседі.  

«ҚТЖ» ҰК» АҚ-ның Әлеуметтік саясат департаментінің бас менеджері Ақмарал Байғабұлова жарыстың мақсаты – корпоративтік құндылықты арттырып, қызметкерлерді бір-бірімен таныстыра отырып салауатты өмір салтын насихаттау дейді.  

«Бүгінгі жарыс барысында қызметкерлер салауатты өмір салтын қаншалықты ұстанатындарын көрсетті. «ҰмтылFest» спорттық іс-шарасы бір ай бойы Астана қаласында орналасқан кәсіпорын қызметкерлері арасында өтті. Осыдан кейін челлендж ретінде өзге аймақтарға жібереміз, ол мамыр айында өтеді», – деді А.Байғабылова.

Жаңалықтар
28.03.2024
Қазақстан «Солтүстік – Оңтүстік» дәлізін дамытуда көрші елдермен ынтымақтасуға дайын – Тоқаев
Аймақтар
28.03.2024
Әз-наурыз қасиет дарып, құт қонған Түркістанда өтті
Аймақтар
28.03.2024
Берекелі мереке
Инфрақұрылым
28.03.2024
Аққұм – Талап учаскесінде күрделі жөндеу басталды
Аймақтар
28.03.2024
Достық станциясында «Қыз сыны» байқауы өтті
Аймақтар
28.03.2024
Атырауда Наурыз мейрамы жалпыхалықтық сипат алды
Жаңалықтар
28.03.2024
KTZ Express және Chengdu International Railway Port Investment & Development Co Ltd келіссөздер жүргізді
Жаңалықтар
28.03.2024
Ұлттық дәстүр ұлықталған күн
Жаңалықтар
28.03.2024
Қытайлық серіктестермен ынтымақтастық перспективалары талқыланды
Жаңалықтар
27.03.2024
Қауылжыр станциясында пойыздар қозғалысы қалпына келтірілді
Жаңалықтар
27.03.2024
Теміржолдағы су тасқыны жағдайы күнделікті бақылауда
Жаңалықтар
27.03.2024
Батыр Котырев ҚТЖ корпоративтік омбудсмені болып тағайындалды
Жолаушылар тасымалы
26.03.2024
Көктемгі мереке күндері 860 мыңнан астам жолаушы ҚТЖ пойыздарын пайдаланды
Аймақтар
26.03.2024
Қазалы теміржолшылары сенбілік өткізді
Жаңалықтар
26.03.2024
Екі елдің кәсіподағы бас қосты
Инфрақұрылым
26.03.2024
Атырауда жолды күрделі жөндеу жұмыстары басталды
Әлемде
26.03.2024
Қытай сутегімен жүретін пойызын сынақтан өткізді
Жаңалықтар
25.03.2024
Қытай 10 жылда Еуропаға 85 мың контейнерлік пойыз жіберген, оның 80%-ы Қазақстан арқылы өтті
Жолаушылар тасымалы
22.03.2024
Пойызда тұсау кесер рәсімі өткізілді
Жаңалықтар
20.03.2024
ҚТЖ мен Түркістан облысының әкімдігі меморандумға қол қойды