ЕҚДБ Қырғызстанның темір жолдарын дамытуға қаржы бөлмек
Қырғызстан Темір жолдары Еуропа қайта құру және даму банкінен 11 млн еуро көлемінде қаржылай көмек алатын болды, деп хабарлайды Rail-news.kz.
Пакетке 8 миллион еуроға дейінгі 12 жылдық тәуелсіз несие және ЕҚДБ акционерлерінің арнайы қорының 3 миллион еуро көлеміндегі гранты кіреді. Бұл қаражат жүк вагондары паркін жаңартуға және инфрақұрылым нысандарын жөндеуге, 2022 жылдың жазында көшкіннен зардап шеккен Бішкек-Балықшы желісіндегі Боом шатқалындағы жөндеу жұмыстарына жұмсалады.
Қазіргі уақытта ірі сауда және логистикалық компаниялар Еуропа мен Азия арасындағы жүктерді, әсіресе контейнерлерде тасымалдау бағыттарын әртараптандыру және сенімділігін арттыру мүмкіндіктерін зерттеп жатыр.
Бұған дейін ұзындығы 523 шақырым болатын Қытай-Қырғызстан-Өзбекстан темір жолының құрылысы жобасының басталғаны хабарланған болатын.