Қытай темір жолдары 2025 жылдың қаңтарында 369 млн жолаушы тасымалдаған
Қытайдың Ұлттық темір жол әкімшілігінің (NRA) мәліметінше, Қытай темір жолдары (CR) 2025 жылдың қаңтар айында 369 млн жолаушы тасымалдаған. Бұл 2024 жылдың қаңтарымен салыстырғанда 12,1%-ға көп, деп хабарлайды Rail-news.kz.
Оның ішінде жүрдек пойыз қызметін 275 млн адам пайдаланған, бұл 2024 жылдың қаңтарымен салыстырғанда 10,6%-ға артық және өткен жылғы CR жолаушылар тасымалының 74,6%-ын құрайды. Салыстыру үшін: 2022 жылдың қаңтарында жалпы жолаушылар ағыны 179 млн адам болған.
Сонымен қатар, 2025 жылдың қаңтарында CR 423 млн тонна жүк тасымалдап, жүк айналымы 288,47 млрд тонна-километрді құрады. Контейнерлер мен металл кендерін тасымалдау көлемі тиісінше 77 млн және 48 млн тоннаға жетіп, өткен жылмен салыстырғанда 10,9% және 17,5%-ға артты.
NRA әкімшілігінің мәліметі бойынша, 2025 жылдың алғашқы айында CR негізгі қорларға 43,9 млрд юань (шамамен 6,12 млрд АҚШ доллары) инвестиция салды, бұл 2024 жылдың қаңтарымен салыстырғанда 3,7%-ға көп.