Теміржолда жоспарлы тексеру жүріп жатыр
ҚТЖ желісінде жол шаруашылығын көктемгі комиссиялық тексеру жүріп жатыр, деп хабарлайды Rail-news.kz.
Жыл сайын қыстан кейін жол инфрақұрылымы, жер төсемі, жасанды құрылыстар, энергиямен жабдықтау, автоматика, телемеханика, байланыс құрылғылары мұқият тексеріледі.
Іс-шара пойыздар қозғалысының қауіпсіздігін қамтамасыз етуге бағытталған. Тексеру кезінде жолдың жалпы жағдайы, жазғы және өсіп келе жатқан жолаушылар мен жүк тасымалына дайындығы бағаланады. Бірінші кезекте жөнделетін учаскелер анықталады. Ағымдағы жылы барлығы 1400 км-ден астам магистральды жөндеу жоспарлануда, оның 570 км - күрделі.
Сондай-ақ, "ҚТЖ" ҰК" АҚ филиалдары мен бөлімшелері персоналының техникалық білімі тексеріледі, олардың кәсіби даярлық деңгейі айқындалады. Құрылымдық бөлімшелерді керек-жарақпен, жабдықтармен, материалдармен және қосалқы бөлшектермен қамтамасыз етуге көп көңіл бөлінеді.
Комиссиялар компанияның барлық өңірлік бөлімшелерінде жұмыс істейді. Бүгінгі таңда негізгі темір жолдардың 15% тексерілді.