KTZ Express әлемдегі ең ірі порттар мен терминалдар операторымен меморандумға қол қойды

«Қазақстан темір жолы» ҰК» АҚ еншілес ұйымы – «KTZ Express» АҚ және әлемдегі ең ірі порттар мен терминалдар операторларының бірі PSA International компаниясымен Азия-Еуропа бағытында цифрлық тасымалдарды ұйымдастыру бойынша ынтымақтастық туралы меморандумға қол қойды. Құжат цифрлық сауда дәлізін және сенімді цифрлық инфрақұрылым құруға бағытталған.

 «Біздің PSA жаһандық операторымен ынтымақтастығымыз жүк ағындарының ұлғаюына және жаһандық сауда тізбектерінің кеңеюіне ықпал ететін болады», - деп атап өтті «KTZ Express» АҚ басшысы Нұрлан Игембаев.

PSA International Азия, Еуропа, Солтүстік және Оңтүстік Америка елдеріндегі порт жобаларына қатысады.