Ұзақ мерзімді сервистік қызмет көрсету ҚТЖ локомотив паркінің сенімділігін арттырады
«ҚТЖ – Жүк тасымалы» ЖШС локомотив паркінің 70% астамына ұзақ мерзімді сервистік қызмет көрсетілуде, деп хабарлайды Rail-news.kz.
Бұл локомотивтердің техникалық дайындығының жоғары деңгейін ұстап тұруға, пойыздар қозғалысының қауіпсіздігін және жүк тасымалының тұрақтылығын қамтамасыз етуге мүмкіндік береді. Сервистік келісімшарттармен ТЭ33А/АС, KZ8A, ТЭ36А, CKD6E және CKD6S сериялы магистральдық және маневрлік локомотивтер қамтылған.
Сервистік келісімшарттар локомотивтерге қызмет көрсетудің барлық циклін қамтиды. Мамандар техникалық қызмет көрсетуді, күрделі жөндеуді, диагностиканы, маусымдық тексерулерді жүргізеді және локомотивтерді қажетті қосалқы бөлшектермен және материалдармен қамтамасыз етеді.
Техникалық сүйемелдеуді WABTEC, «Қамқор Локомотив» ЖШС, «Электровоз құрастыру зауыты» ЖШС, «Loco Center» ЖШС, CRRC Dalian және CRRC Ziyang қамтамасыз етеді.
Сервистік жұмыстар еліміздің ірі теміржол тораптарында орналасқан мамандандырылған орталықтарда орындалады. WABTEC компаниясы локомотивтерге жеті –Аягөз, Алматы, Астана, Ақтөбе, Мақат, Сексеуіл және Шалқар сервистік орталығында қызмет көрсетеді. Мұнда 1,5 мыңнан астам маман жұмыс істейді. Alstom сервистік орталықтары Астана, Алматы, Арыс және Шу қалаларында жұмыс істейді. Олар 630 маманды жұмыспен қамтамасыз етеді.
ҚТЖ CRRC Dalian және CRRC Ziyang бірлесіп локомотивтерге техникалық қызмет көрсету пункттері базасында жаңа сервистік орталықтар құрады. Жоба ел ішінде жаңа жылжымалы құрамға қызмет көрсетуге, сервистік жұмыстарды оқшаулау үлесін арттыруға және жаңа жұмыс орындарын құруға мүмкіндік береді.
Сервистік жүйенің дамуы қазірдің өзінде нәтиже беруде. Жоспардан тыс жөндеулер саны азайып келеді. Локомотивтердің техникалық дайындығы жақсаруда. Тасымалдау процесінің сенімділігі мен локомотив паркін пайдалану тиімділігі артуда.