Теміржолшылардың балалары елордаға саяхаттады
Қызылорда облысы бойынша меншікті тілші
Бөлімшенің Сексеуіл станциясындағы салалық мекемелерде еңбек ететін теміржолшыларының балалары Астана қаласына туристік сапармен барып, елорданың көрікті жерлерін қызықтап, демалып келді.
Сексеуіл локомотив пайдалану депосы кәсіподақ ұйымының төрағасы Нұрлан Жұмқанов пен медбике Гүлмира Қаниева балалардың жанында болып, қауіпсіздіктерін қамтамасыз етті.
Балалардың алған әсері ұшан-теңіз. Бес күн бойы Елордада армансыз қыдырған олар, мұражайларды аралап Аквапарк бассейнінде шомылып, ЭКСПО және Думан кешенін қызықтап, Джунглидегі кереметтерді көздерімен көріп мәз болды.
– Осындай тамаша саяхат үшін балалар ғана емес ата аналар да риза болып, сала басшылығына, кәсіподақ ұйымына алғыстарын жаудырып жатыр. Үш ай каникулда балалар жазын көңілді ету үшін қолдан келгеннің бәрін жасап жатырмыз, жартыс ылагерде демалып жатыр, жарытсы саяхатпен елді аралауда. Расымен, балалар үшін көп игілікті шараларды ұйымдатсырырп жатқан ҚТЖ секілді компания көп емес, – дейді кәсіподақ жетекшісі.
