Ақтөбе облысында заманауи өнер мектебі салынуда
«Қазақстан темір жолы» ҰК» АҚ-ның Wabtec корпорациясымен стратегиялық ынтымақтастығын кеңейту шеңберінде Қазақстанда әлеуметтік жобаларды іске асыру басталды, деп хабарлайды Rail-news.kz.
Өзара іс-қимылдың негізгі бағыттарының бірі өңірлерде білім беру инфрақұрылымын дамыту болып табылады.
Ақтөбе облысының Шалқар қаласында жаңа өнер мектебінің құрылысы басталды. Жоба өңірдің әлеуметтік инфрақұрылымын дамытуға және балалар мен жасөспірімдердің шығармашылық білімі үшін заманауи жағдайлар жасауға бағытталған. Қазіргі уақытта нысанға 50 маман мен 25 техника жұмылдырылды. Ең жоғары жүктеме кезеңінде жұмысшылар саны 150 адамға дейін артады. Құрылыста отандық өндіріс материалдары кеңінен қолданылады.
Мектептің ашылуы 100-ге жуық жаңа жұмыс орнын құрып қана қоймай, Шалқар темір жол торабының және бүкіл аудан тұрғындары үшін сапалы демалыс, оқыту ортасын қамтамасыз етеді.