Қазақ-қырғыз жүк айналымында кідіріс жиілеп барады

Қазақстан мен Қызғызстан шекарасындағы кедендік бақылауда атап айтарлықтай кедергілер жоқ. Дегенмен, темір жол арқылы өтетін жүк пойыздарының кідіруі жиілеп кеткен.

Кеше Жамбыл жүк тасымалы бөлімшесіне «Қырғызстан темір жолы» компаниясының делегациясы келіп, қос тарап шекарадағы кейбір өзекті мәселелерді талқылап, өзара келіссөз жүргізді. Жамбыл жүк тасымалы бөлімшесінің басшысы Дүйсенбек Сыдықов қырғыз ағайынмен ара- дағы экономикалық, әлеуметтік және өзге де байланыстардың берік екенін атап өтіп, бір-екі мәселені екіжақты келісіп шешуге шақырды.

Бұдан соң сөз алған «Қырғызстан темір жолы» мекемесі бас директорының орынбасары Д.Усубакунов теміржолға қатысты туындаған проблемаларды ашып айтты.

Белгілісі, тоналған пойыз жайында «Қырғызстан темір жолы» тарапы ресми түрде сұрау салмаған екен. Енді анықталған деректің сараптамасы көрші елге көп ұзамай жолданатын болады.

Кездесуде Андас батыр кедендік бақылау бекетінің басшысы Арман Несіпбеков кідіріске қатысты «Жүк пойыздары заңнамада көрсетілген талаптар бойынша тексеріледі. Біз бұл талаптан аттап өте алмаймыз», – деп түсіндірді. Айтуынша, күдік тудыратын вогондарды қарап, вогондардың пломбаларын анықтау да біраз уақыт алады екен. Енді жүк пойызы тоқтайтын аумаққа жарық шамдар қойылып, пломбаларды анықтау үшін бейнебақылау камерасы орнатылса, жұмыс біршама жеделдетілетінін айтты.

Басқосу барысында қос тарап бұдан бөлек те бірталай мәселенің шешімдерін қарастырды. Осы аптада Жамбыл жүк тасымалы бөлімшесі хаттама әзірлеп, Қырғызстан темір жолына ұсынады.