Көмір тасымалдау жоспары 102% орындалды

2022 жылдың мамыр-қараша айларында «ҚТЖ» ҰК» АҚ желісі бойынша ел ішінде 41 млн тоннадан астам тас көмір тасымалданды. Жоспар 102% орындалды, деп хабарлайды Rail-news.kz.

Оның ішінде ЖЭО қоймаларына 35,3 млн. тонна тиелсе, бұл 2021 жылдың сәйкес кезеңімен салыстырғанда 166,4 мың тоннаға артық. Қатты отынды жеткізу жыл бойы барлық өңірлер үшін бірдей көлемде жүзеге асырылды. Маршруттық құрамдар ұйымдастырылды – көмір разрездерінен  межелі станцияға дейін және кері қарай орташа жылдамдығы тәулігіне 600 км-ден астам.

Тұрғындар үшін 6 млн тонна қатты отын жеткізілді. Коммуналдық-тұрмыстық көмірді тасымалдау жоспары 108% орындалды.