Қытайдың Ганьсу қаласынан Қостанайға жүк пойызы бет алды
Корреспондент газеты «Қазақстан теміржолшысы»
Қытайдың солтүстік-батысындағы Динси станциясынан автокөлік бөлшектері, маталар және басқа да тауарлар тиелген жүк пойызы Қостанайға бет алды, деп хабарлайды Rail-news.kz.
Сенбі күні жолға шыққан бұл құрама Динси қаласынан аттанған алғашқы халықаралық жүк пойызы болып отыр. Ол 5170 шақырым жол жүріп, шамамен тоғыз күннен кейін Қостанайға жетеді.
Аталған пойызбен Шэньси және Чжэцзян елдімекендерінен құны 3 миллион доллардан асатын жүк жеткізілмек. Жаңа жүк пойызы бұрынғы көлік бағыттарымен салыстырғанда жол жүру уақытын шамамен алты күнге қысқартады деп күтілуде.
Жергілікті халықаралық логистикалық компанияның бас директоры Лю Цзиньвэйдің айтуынша, пойыз жергілікті ауыл шаруашылығы өнімдерін Орталық Азия елдеріне экспорттайды, ал Қазақстаннан зығыр тұқымы, арпа және басқа да алғашқы немесе кейінгі өңдеуге арналған тауарлар импортталады.
«Осы пойыздың іске қосылуы Динси қаласын Орталық Азиямен байланыстыратын жаңа халықаралық логистикалық дәліздің ашылғанын білдіреді. Яғни, қалаға «Бір белдеу, бір жол» бойындағы елдермен сауда-экономикалық байланыстарды нығайтуға көмектеседі», – деді Ганьсу елдімекенінің сауда бюросының өкілі Цянь Цзюнь.