Контейнерлік тасымалдау 2,6 есе өсті
2023 жылдың бірінші жартыжылдығында «ҚТЖ» ҰК» АҚ-ның «KTZ Express» АҚ экспедициялаған еншілес компаниясымен контейнерлік тасымалдау көлемі 346 мың ЖФЭ құрады. Бұл 2022 жылдың сәйкес кезеңінен 2,6 есе жоғары.
Өсім «KTZ Express» АҚ-ның барлық негізгі транзиттік бағыттардағы (Қытай – Ресей – Қытай, Қытай – Орталық Азия – Қытай, Қытай – Беларусь – Қытай) үлесін ұлғайту бойынша жүргізілген жұмыстарға байланысты.
Есепті кезеңде Сороковая станциясындағы фитингтік платформаларға шамадан тыс жүктелген Қытай – Ресей бағыты бойынша жартылай вагондарда контейнерлік пойыздар ұйымдастырылды. Бұл Достық – Мойынты учаскесіндегі кестені оңтайландыруға және жартылай вагондардың кері бос жүрісін қысқартуға мүмкіндік берді. Поти (Грузия) – Констанца (Румыния) бағыты бойынша тұрақты фидерлік байланыс іске қосылса, ол ТХКМ бойынша тасымалдау географиясын кеңейтуге және жүктерді Еуропадағы соңғы нүктеге дейін жеткізуге мүмкіндік береді.
Клиенттерге бағдарлануды арттыру үшін, оның ішінде қытайлық және еуропалық жүк жөнелтушілер үшін компания қызметтерді жақсартуға жұмыс жасауда. 1462 қысқа нөмірі бар бірыңғай байланыс орталығы жұмыс істейді.
Бірінші жартыжылдық қорытындысы бойынша компания клиенттерінің қанағаттану деңгейі 6%-ке өсіп, 88%-ті құрады.