Семейде контейнерлік тасымал әлеуеті артып келеді

Жүк тасымалы
21.09.2023, 12:30
Суретті түсірген автор
Қуаныш Қожаев

Абай облысы бойынша меншікті тілші

Ел шығысындағы жүк айналымы бойынша контейнерлік пойыздардың үлес салмағы жылдан жылға артып келеді. Жергілікті теміржолшылар қауымы  тасымалдың осы түріне ерекше мән беретіндіктен жүк операцияларының ішінде жекелей тәртіппен қарастырылады.  

Ағымдағы жылы Семей ЖТ бөлімшесі бойынша контейнерлік тасымал қарқынының күрт артуы байқалады. Мәселен, өткен бір аптаның ішінде жалпы көлемі 1487 тоннаның жүгі аталмыш тәртіппен тасымалданыпты.

Жалпы, контейнерлік пойыздар транзиті – бюджетті еселейтін, бірегей кіріс көзі саналатын маңызды шаралардың бірі. Ал трансшекаралық аймақта орын тепкендіктен семейлік теміржолшылар бұл мәселені баса ескереді. Сондықтан да жыл басында құрылатын жоспарлы шаралар ішінде контейнерлік тасымалға баса орын беріледі. Соның себебінен болар, қазіргі таңда жергілікті сала қызметкерлері бір жыл ішінде әр контейнері 40 тоннаны құрайтын 500-ден аса транзитті пойыздарды еш іркіліссіз өткізуге қол жеткізді.  

Ал ағымдағы жылдың сегіз айындағы көрсеткіштің еселеп өсуіне Ресейдің Сібір бөлігінен Орталық Азияға және Қытай еліне контейнер түріндегі жүк тасымалының күрт артуы мүмкіндік беріпті. Бұл орайда контейнерлік жүктер көлемі бойынша көмір және цементтен кейін үшінші орынға көтеріліп отыр.

Қазіргі таңдағы басты мақсат аталмыш жылжымалы құрамдарды іркіліссіз өткізу болып отыр. Осы ретте контейнерлік пойыздардың орташа жылдамдығы 330,3 шақырым/сағатты құрап отыр. Тоқтала кетерлігі, контейнерлік пойыздардың тәуліктік жүру жылдамдығы жоғарылатылған. Әйтсе де, астық тасымалы мен көмір жөнелту қарқын алғандықтан бұл мәселені алдағы уақытта қарастыру қажет етіледі екен. Ал транзит ағыны негізінен Ресейдің Батыс-Сібір бөлімшесі аумағында орын тепкен Семей ЖТ бөлімшесінің Локоть станциясымен және ҚХР-мен шектесетін Достық станциясы аралығында, қос бағытта орын алуда.

Қазіргі таңдағы сараптама бойынша Семей ЖТ бөлімшесінде алдағы уақыттарда транзиттік контейнерлік пойыздар саны көбейе түсетін болады. Оған жаңадан салынатын Аягөз – Бақты теміржолының құрылысымен бірге оның бойынан ашылатын контейнерлік терминалдар мен құрғақ порт себеп болмақ. Яғни Семей ЖТ бөлімшесінің транзиттік-көліктік әлеуеті дәл осы тасымал түрінің есебінен арта түседі деп күтілуде. Бұл шаралар өз кезегінде контейнерлік пойыздардың қозғалыс тәртібі сынды жауапты жұмыстарды қазірден бастап ширата түсуді міндеттейді. Сондықтан да бөлімшенің логистика және жүк тасымалын ұйымдастыру бөлімінің мамандары транзиттік тасымал және контейнерлік пойыздар қозғалысын реттеу бойынша тың әдістемелік негіздерді қарастыруда.

Мемлекет басшысы Қасым-Жомарт Тоқаев биылғы жылғы 1 қыркүйек күнгі жаңа Жолдауында аймақтардағы логистика мен транзиттік потенциалды ұлғайту, сонымен бірге туристік салаға көңіл бөлу керектігін айтқан еді. Ал Семей теміржолындағы соңғы көрсеткіштерге сүйенсек, таяу болашақта осынау салада соны жетістіктер күтіп тұр деуге әбден болады.

 

Аймақтар
08.05.2025
Жамбыл жол бөлімшесі ҰОС ардагерін құттықтады
Жаңалықтар
08.05.2025
ҚТЖ Ұлы Отан соғысы ардагерлерін құттықтады
Темір жол тарихы
08.05.2025
Соғыс салған жара. Тұщыбектегі тағзым ескерткішінің тарихы
Темір жол тарихы
08.05.2025
Жамбыл теміржолшыларының ерлік жолы
Темір жол тарихы
08.05.2025
Соғыс жылдарындағы шойын жол шежіресі
Темір жол тарихы
08.05.2025
Сұрапыл жылдар шындығы
Жолаушылар тасымалы
08.05.2025
ҚТЖ жазғы кезеңде қосымша бағыттарды іске қосады
Мұрағат / Жаңалықтар
08.05.2025
«Қазақстан теміржолшысы» газетінің 2025 жылғы 8 мамырдағы арнайы саны
Жаңалықтар
06.05.2025
«Нұрлы жол» вокзал кешенінде Жеңістің 80 жылдығына орай ағаш отырғызылды
Жолаушылар тасымалы
06.05.2025
«Keruen Express» туристік пойызы сапарға аттанды
Жаңалықтар
06.05.2025
«Батырлар ұраны» шырқалған кеш
Аймақтар
06.05.2025
Семейде өрт сөндіру пойызы қоймадағы өртті өшірді
Спорт
06.05.2025
Семейлік теміржолшы жүзден жүйрік шықты
Темір жол тарихы
06.05.2025
Жеңіс рухын сөндірмеген Қызылорда алауы
Аймақтар
06.05.2025
Арыстағы «Батырлар аллеясы»
Спорт
06.05.2025
Машинистер сайысы
Темір жол тарихы
06.05.2025
Майданға тартылған мұнай жолы
Қауіпсіздік
06.05.2025
Теміржолдағы тәртіп – адам өмірінің кепілі
Темір жол тарихы
06.05.2025
Ешкім де, ештеңе де ұмытылмайды
Жаңалықтар / Мұрағат
06.05.2025
Қазақстан теміржолшысы газеті, №34-35 06 мамыр 2025 жыл