Ақтау портында астық тасымалы сөз болды

Ақтау портында «АТСП» ҰК» АҚ басшылығы мен «Азық-түлік келісім корпорациясы» ҰК» АҚ басшылығының кездесуі өтті.

Кездесуге Ақтау порты арқылы Иранға үздіксіз астық экспорттауды қамтамасыз ету мақсатында портпен тығыз байланыста жұмыс істеп жатқан «Азық-түлік келісім корпорациясы» ҰК» АҚ мен «Ақ бидай-Терминал» АҚ басшылығы мен өкілдері, басқа да мүдделі тұлғалар қатысты.  

«АТСП» ҰК» АҚ Басқарма төрағасы Абай Түрікпенбаев «ҚТЖ» ҰК» АҚ және ҚР Үкіметімен бірлесіп, өткен жылдар деңгейінде астық тасымалдау көлемін қалпына келтіру бойынша ҚР АШМ деңгейінде белсенді шаралар қабылдау қажеттігін атап өтті.  

Өз кезегінде «Азық-түлік келісім корпорациясы» ҰК» АҚ басқарма төрағасы Асылхан Жувашев порт басшылығына кездесуді ұйымдастырғаны үшін алғысын білдіріп, «АТСП» ҰК» АҚ-мен тығыз өзара іс-қимыл бағытын одан әрі ұстануға ниетті екендерін атап өтті. Сондай-ақ ол Иран бағытында астық экспортын ұйымдастыру мәселелері бойынша ҚР Үкіметі деңгейінде келіссөздер жүргізіліп жатқанын хабарлады.  

Айта кетейік, биылғы қаңтар айында Ақтау теңіз порты арқылы жүктерді ауыстырып тиеудің жалпы көлемі 360 мың тоннадан асып жығылған.  

Бұл өткен жылдың есепті көрсеткішімен салыстырғанда 12,7% жоғары. Порт 3 мыңнан тонна астық, 310 мың тонна мұнай мен мұнай өнімдерін ауыстырып тиеген.  

Теңіз айлағы 2,3 мыңнан астам контейнерді жиырма футтық эквивалентте өңдеді, бұл өткен жылдың алғашқы айына қарағанда 30% көп. Оның ішінде Транскаспий халықаралық көлік бағдары бойынша 2 мыңнан астам ЖФЭ бар. Бұл көрсеткіш өткен жылдың деңгейіне қарағанда екі есеге өсіп отыр.