ТХКБ: бірлескен шаралар күшейтілуде

Жүк тасымалы
03.09.2024, 19:48
Райхан Рахметова

«Қазақстан теміржолшысы» газетінің тілшісі

Транскаспий дәлізі бойындағы серіктес елдермен бірлескен шаралар күшейтілуде. Мемлекет басшысының «Әділетті Қазақстанның экономикалық бағдары» атты Қазақстан халқына Жолдауын орындау мақсатында Үкімет Қазақстан, Әзербайжан, Түркия және Қазақстан мен Грузия арасындағы 2027 жылға дейінгі кедергілерді жою және Орта дәлізді дамыту жөніндегі Жол картасын іске асыру бойынша жұмыс жүргізуде.

Бұл дәліздің өткізу мүмкіндігін жылына 10 млн тоннаға дейін арттыруға мүмкіндік береді. Шығыстан Батысқа транзиттік жүктердің жеткілікті көлемін қамтамасыз ету үшін 2023 жылғы қарашада Қытаймен Транскаспий халықаралық көлік бағытын дамыту, соның ішінде Қытай мен Еуропа арасындағы контейнерлік пойыздар бойынша бірқатар келісімге қол қойылып, бұл келісімдер 2024 жылғы 1 шілдеде Қазақстан Республикасының Заңымен ратификацияланды. Бағыттың тартымдылығы мен бәсекеге қабілеттілігін арттыру үшін оның бүкіл бойында бірыңғай мультимодальды сервис құрылды.  

Қазақстан, Әзербайжан және Грузияның теміржол әкімшіліктері арасында «Астана» Халықаралық қаржы орталығының базасында біріккен көлік-логистикалық компаниямен ұқсастық бойынша бағытты жүйелі пайдалану үшін Middle Corridor Multimodal Ltd бірлескен кәсіпорны құрылды. Бұл процесте көлік операцияларын цифрландыру әрі оңтайландыру, соның ішінде шекарадан өту және терминалдық процедуралар маңызды рөл атқарады. «Бірыңғай терезе» қағидаты бойынша логистикалық сервисті жақсарту «Global DTC Kazakhstan Ltd» (PSA мүшесі) әзірлеген DTC (Digital Trade Corridor) – Tez customs платформасының Кедендік модулімен «ҚТЖ» ҰК» АҚ IT-жүйелерін техникалық интеграциялау бойынша жұмыс жүргізілді. 2023 жылғы 5 желтоқсанда ҚТЖ мен Global DTC Kazakhstan Ltd арасындағы DTC платформасын енгізу бойынша өзара іс-қимылдың Жол картасы бекітілді. Қазіргі уақытта Қазақстан мен Әзербайжан темір жолдарының ақпараттық жүйелері платформаға біріктірілген, сонымен қатар Грузия теміржолдарымен осындай жұмыстар пысықталуда.  

2023 жылы «Xi'an Free Trade Port Construction and Operation Co.Ltd» компаниясы және «ҚТЖ» ҰК» АҚ-ның («Кедентранссервис» АҚ өкілі) қатысуымен құрылған «Қытай-Қазақстан сауда-логистика компаниясы» ЖШС бірлескен кәсіпорны аясында Сиань қаласының құрғақ портында терминал салынды. 2024 жылғы 28 ақпанда ашылған терминал Қазақстан бағытында жүретін барлық контейнерлік пойыздардың 40%-ын біріктіреді, бұл ТХКБ бойынша транзиттік тасымалдардың айтарлықтай өсуіне ықпал етті. Жыл басынан бері Қытайдан ТХКБ транзиті екі есеге жуық өсім көрсетті.  

2023 жылдың қорытындысы бойынша ТХКБ бағытымен тасымалдау көлемі 2022 жылмен салыстырғанда 65%-ға артып, 2,76 млн тоннаны құрады (2022 жылы – 1,7 млн тонна). Ал биыл, 2024 жылдың 7 айының қорытындысы бойынша тасымалдау өткен жылмен салыстырғанда (1,57 мың тонна) 63%-ға артып, 2,56 млн тоннаны құрады. Бұл жетістіктер серіктестермен бірлесіп жұмыс істеудің тиімділігін көрсетеді және Орта дәлізді дамытудың маңызын растайды. Оның тұрақты әрі бәсекеге қабілетті бағыт ретінде қалыптасуына дәліз бойындағы елдер ғана емес, сонымен қатар ОңтүстікШығыс Азия, Парсы шығанағы және Еуропа аймақтары да қызығушылық танытып отыр.

 

Жаңалықтар
18.10.2025
ҚТЖ: балалармен бірге табиғат үшін!
Жаңалықтар
17.10.2025
«Таза Қазақстан: теміржолшылар 90 мыңнан астам ағаш отырғызды
Жаңалықтар
17.10.2025
Оқытушылар құрамы ҚТЖ-да тағылымдамадан өтті
Аймақтар
17.10.2025
ШҚО теміржолшылары көмір қорын тексерді
Жаңалықтар
17.10.2025
Теміржолшы «Ерен еңбегі үшін» медалімен марапатталды
Жаңалықтар
17.10.2025
ҚТЖ электрмен жабдықтау шаруашылығында телемеханика жүйесін жаңғыртуда
Аймақтар
17.10.2025
Әлеуметтік ахуал – ерекше назарда
Аймақтар
17.10.2025
Теміржолшылардың отбасына алғыс хат табысталды
Аймақтар
17.10.2025
Атырауда теміржолшылар кәсіподақтың 120 жылдығын атап өтті
Әлеумет
17.10.2025
100 теміржолшы донор болды
Жаңалықтар / Мұрағат
17.10.2025
Қазақстан теміржолшысы газеті, №86 17 қазан 2025 жыл
Жүк тасымалы
16.10.2025
ҚТЖ Шығыс Қазақстанға көмірдің үздіксіз теміржолдық жеткізілімін қамтамасыз етеді
Жаңалықтар
16.10.2025
ҚТЖ-да жапондық Riken KOGYO компаниясы өкілдерімен кездесу өтті
Аймақтар
16.10.2025
Жамбылда экологиялық акция жалғасуда
Трансформация
16.10.2025
Тепловоздарды автоматтандыру процесі үздіксіз жүруде
Аймақтар
16.10.2025
Түбекке су жаңа тепловоздар келді
Қауіпсіздік
16.10.2025
Атырауда биыл 417 рет шұғыл тежеу қолданылған
Жаңалықтар
16.10.2025
ҚТЖ, ГТЖ және қазақстандық экспорттаушылар жаңа мүмкіндіктерді талқылады
Жаңалықтар
16.10.2025
ҚТЖ Жас кадрлар резервіне іріктеу жариялайды
Жаңалықтар
16.10.2025
Қара теңіз бен Каспий арасында жаңа контейнерлік бағыт іске қосылатын болды