Жылыту маусымы: ҚТЖ желісімен 2 млн тонна көмір жеткізілді

Осы жылдың мамыр айынан 9 қыркүйегіне дейін, 2024-2025 жылдардағы жылыту маусымына дайындық басталғалы ел тұрғындарына темір жол арқылы шамамен 2 млн тонна тас көмір жеткізілді, деп хабарлайды Rail-news.kz.

Көмір қажеттілігінің жоспары Қостанай және Павлодар облыстарында 100% орындалды. Мәлімделген қажеттілік жоспарынан жоғары Алматы, Жамбыл, Ұлытау облыстарына, сондай-ақ Шымкент және Алматы қалаларына жеткізілді.  

ЖЭО үшін 20,3 млн тоннадан астамы тасымалданды.

ҚТЖ-да көмір тасымалдау мәселесі ерекше бақылауда. Энергетикалық және коммуналдық-тұрмыстық көмірдің барлық жөнелтілімдері вагондармен толық көлемде қамтамасыз етілген.