Жүктердің қауіпсіздігі басты назарда

Жүк тасымалы
20.09.2024, 08:45
Суретті түсірген автор
Қуаныш Қожаев

Абай облысы бойынша меншікті тілші

Семей ЖТ бөлімшесінде коммерциялық жүк тасымалындағы қауіпсіздік мәселесі күн тақырыбынан түскен емес. Бұл ретте әсіресе тораптық жүк станцияларындағы қырағылық жоғары.  

Қозғалысшылар үшін негізгі мақсат – жүкті діттеген жеріне жылдам жеткізу ғана емес, оның бүтіндігін, амандығын да толыққанды түрде қамтамасыз ету. Бүгінде клвстан тыс Семей станциясындағы коммерциялық жүктер қауіпсіздігі постындағы жүк қабылдап-тапсырушы мамандардың әр күні қарбаласқа толы. Соңғы айларда әсіресе транзиттік жүк пойыздарының ағыны біршама артқан. Сәйкесінше әр ауысымдағы теміржолшылар қызмет барысын ширата түсуде. Соның нәтижесінде қазіргі таңда әр ауысым бойынша шамамен 35-40 адам станция басына келіп тоқтаған әрбір жүк пойызының амандығын толыққанды тексеріп, қатаң түрде сүзіп шығады.

Бүгінде көршілес Ресей елінің Батыс Сібір бөлімшесінен Орта Азия елдерін бетке алған, ағаш өнімдерін тиеген пойыздар саны артқан. Мамандар әр вагондағы жүктің бекітілуін мұқият түрде қадағалайды. Техникалық талаптар бұзылған жағдайда арнайы хаттама толтырып, жүк тиелген станцияға жөнелтеді. Және вагон толы жүктердің тіректерін, темір біліктерін мықтылап, қайта бекітеді.  

Қазіргі таңда Семей станциясы бойынша бір ауысымда ең кемі он жүк пойызы осындай жіті тексеруден өткізіледі. Салада 26 жыл еңбек етіп келе жатқан жүк қабылдап-тапсырушы Жасұлан Тұрысбековтің айтуынша, әр маман пойызды күтіп алып, шығарып салып, жүктердің қауіпсіздігіне көз жеткізуге міндетті. Ең көп кездесетін ақаулық – ленталардың үзілуі, сымдардың босауы немесе үзілуі. Кей жағдайда бекітпе пломбалардың бүлінуі де анықталып жатады. Себебі ұзақ жолдағы шайқалу, аяздың, қатты желдің немесе дауылдың әсері бар.

– Сол тәрізді жарылу қаупі жоғары немесе реактивті аса қауіпті жүктердің жауапкершілігі жоғары. Ондай жүкте «екі шоқып, бір қарамасаң» болмайды. Екі адам пойыздың қос қапталын толық сүзіп шығамыз. Көзбен ұзатып, бірге шығарып саламыз. Ауа райы маңызды емес. Маңыздысы ешқандай ақаулық болмауы керек, – дейді бұл орайда 15 жылдық еңбек өтілі бар, Жасұланның ауысым бойынша серіктесі Болат Аралбаев.

Соңғы жылдары теміржол арқылы автокөліктерді тасымалдау ісі де кеңейіп келеді. Ондай жүктерді тексерудің де өзіндік ерекшелігі бар. Тәжірибе ғана емес, әдіс-тәсілдер де қажет етіледі. Бұл орайда коммерциялық жүктер қауіпсіздігі постының мамандары арнайы біліктілік шыңдау курстарынан да өтеді. Жыл сайын емтихан тапсырып, аттестациядан өтіп тұрады. Көктемгі, күзгі комиссиялық бақылау кезінде де қатаң түрде сұралып, сыналады.    

Қазіргі таңда ұжымда жастар қатары өскен. Оларға кәсіби тұрғыда тәлім беруде аға буынның үлесі мол. «Қысы қатаң біздің өлкемізде ауа райымен санаспай еңбек ету үлкен төзімді қажет етеді. Сол себепті жастарға айтарымыз, бұл жұмысқа келерде асықпай ойланып, бәріне дайын болып келген жөн» дейді бұл орайда алдыңғы толқын өкілдері.  

 

 

Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті