«Қазтеміртранс» АҚ соңғы жылдары 25 мыңнан астам вагон сатып алған

Жүк тасымалы
23.10.2024, 12:43
Сұлугүл Бакесова

«Қазақстан теміржолшысы» газетінің тілшісі

Теміржол көлігі ел экономикасында стратегиялық рөл атқарады. Ол жүк айналымының 60%-дан астамын қамтамасыз етумен қатар жолаушылар мен әлеуметтік маңызды жүктерді тасымалдайды. Сол себепті «Қазақстан темір жолы» ұлттық компаниясының стратегиялық бағыттарының бірі – жолаушылар, жүк вагондары мен локомотивтер паркін жаңартуға негізделіп отыр.  

Еліміздегі көмір, астық, мұнай және мұнай өнімдері, кен, минералды тыңайтқыштар сияқты сусымалы және құйма жүктерден тұратын негізгі тауарларды тасымалдайтын «ҚТЖ» ҰК» АҚ-ның еншілес ұйымы – «Қазтеміртранс» АҚ өзіне қарасты жүк вагондары паркін жаңартуды жалғастыруда. Биылдың өзінде «ҚТТ» АҚ су жаңа 260 ашық вагон сатып алды. Бұл жаңа вагондар 70 тоннаға дейін жүк көтергіштігін қамтамасыз ететін заманауи стандарттар мен техникалық талаптар үдесінен шығып отыр.  

– Ашық вагондар астық, көмір және басқа да әлеуметтік маңызы бар жүктерді тасымалдауға арналған, бұл жүк тасымалдарының тиімділігі мен сенімділігін арттыруға ықпал етеді. Жыл соңына дейін компания тағы да 1000-нан астам жаңа жүк ашық вагондарын сатып алуды  жоспарлап отыр. Бұл компанияның жылжымалы құрамын жаңартудағы маңызды қадам болып отыр, – дейді «Қазтеміртранс» АҚ Бас директорының орынбасары Тәңірберген Құсайынов.  

Сөз реті келгенде, «Қазтеміртранс» АҚ соңғы жылдары 25 мыңнан астам вагон, ал былтыр 242 ашық вагон сатып алғанын атап өтсек. Қазір компания жеке меншігінде 47 000 жүк вагоны бар. Олар жабық вагондар, платформалар, ашық вагондар, цистерналар, астық тасымалдаушы, цемент тасымалдаушы, фитингті платформалар.

Жаңару үрдісін локомотивтер паркінен де көруге болады. 2023 жылы ҚТЖ 112 бірлік локомотив сатып алды. Бұл локомотив шаруашылығы тарихындағы ең ірі сатып алу көрсеткіші болатын. Бұл локомотив паркінің тозуын 2020 жылғы 68%-тен 2023 жылы 52%-ке дейін төмендетуге мүмкіндік берді.

Алдағы бес жылда, яғни 2029 жылға дейін «ҚТЖ-Жүк тасымалы» ЖШС 359 локомотив сатып алуды көздеп отыр. Оның ішінде 75 ТЭ33АС сериялы магистральдық тепловозы, 36 2ТЭ25КМ сериялы магистральдық тепловозы, 130 KZ8А сериялы электровозы, 18 ТЭМ11А сериялы маневрлік тепловозы, 37 ТЭП33А сериялы жолаушылар тепловозы, 63 KZ4АТ сериялы жолаушылар электровозы сатып алынбақ.  

Заманауи локомотивтер Астана қаласындағы локомотив және электровоз құрастыру зауыттарында жиналады. Бұл ауыр техникалар – жүк пойыздарымен жүк тасымалдауды жандандыруға қабілетті сенімді техника. Сонымен қатар ҚТЖ-ның қытайлық «CRRC Corporation Limited» корпорациясымен ынтымақтастық туралы келісімі шеңберінде 100 маневрлік және 100 магистральдық локомотив сатып алынады деп күтілуде.  

 

Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті