KTZ Express АҚШ-қа шикізаттық емес жүк жеткізді
“KTZ Express” АҚ (“ҚТЖ” ҰК” АҚ еншілес компаниясы) АҚШ-қа шикізаттық емес жүкті экспорттық жөнелту арқылы халықаралық логистика саласындағы тасымалдау географиясын кеңейтті, деп хабарлайды Rail-news.kz.
Бұл жобаны іске асыру қазақстандық экспорт үшін жаңа перспективалар ашады және елдің сауда-логистикалық мүмкіндіктерін кеңейтеді.
Қазақстаннан экспорттық тасымалдау бағыты Алматы қаласынан Поти портына (Грузия) дейін басталды, онда жүк кемеге тиеліп, теңіз жолымен 2025 жылғы 16 ақпанда Хьюстон қаласына (АҚШ) дейін жеткізілді. Мультимодальды сервистің Қазақстаннан АҚШ-қа жеткізу мерзімі 68 тәулікті құрады.
Бұл жөнелтімде “KTZ Express” АҚ бірінші мильді ұйымдастыруды, жүкті сақтандыруды, контейнерлерді ұсынуды және алдын ала декларациялауды қоса алғанда, көліктік-логистикалық қызметтердің толық спектрін ұсынды.
Бұл оқиға "KTZ Express" АҚ-ның кез келген бағыт бағытында сенімді және жоғары сапалы сервис ұсынуға дайын екендігін растайтын маңызды кезең болды және де ол қазақстандық өндірушілерге әлемдік нарықтарға шығу үшін жаңа мүмкіндіктер ашады.