Жыл басынан бері темір жол көлігімен 100 млн тоннадан астам жүк тасымалданды

2025 жылғы қаңтар-мамыр қорытындысы бойынша ҚТЖ желісінде жүктерді тасымалдау көлемі 107 млн тоннаны құрады, бұл өткен жылдың сәйкес кезеңі көрсеткішінен 4,4% артық, деп хабарлайды Rail-news.kz.

Жалпы көлемнің 68,7 млн тоннасы ел ішінде тасымалданды. Экспорттық тасымалдау көлемі 38 млн тоннаны құрады, бұл 2024 жылғы қаңтар–мамырмен салыстырғанда 11,4% артық.  

2025 жылдың бес айында 41,6 миллион тонна көмір тасымалданды, бұл өткен жылдың сәйкес кезеңімен салыстырғанда 2,4% көп. Бұл ретте ішкі нарыққа 29,3 млн тонна бағытталды, экспорт 18,9% өсіп, 12,2 млн тоннаға жетті.  

Астық тасымалы айтарлықтай өсім көрсетті — көлемі 5,7 млн тоннаны құрады, бұл өткен жылғы деңгейден 54% жоғары. Экспорттық жеткізілім 62% артып, 4,5 млн тоннаға жетті.  

Сондай-ақ, басқа позициялар бойынша өсім байқалады: мұнай жүктері — 6,4% (8,3 млн тонна), қара металдар — 11,9% (2 млн тонна), химиялық тыңайтқыштар — 22,3% (2 млн тонна), құрылыс материалдары —  8,5% (6 млн тонна).