Үкімет басшысы ЕАЭО-дағы жүк тасымалын үйлестіру үшін нейрожелілерді пайдалануды ұсынды
Қазақстан Премьер-министрі Олжас Бектенов Еуразиялық үкіметаралық кеңес отырысында нейрожелілер негізінде жүк ағындарын үйлестірудің интеграцияланған платформасын құруды ұсынды, деп хабарлайды Rail-news.kz.
Оның айтуынша, бұл шара жеткізу мерзімін қысқартуға, бизнестің шығындарын азайтуға және еуразиялық көлік дәліздерінің бәсекеге қабілеттілігін арттыруға септігін тигізеді.
Сондай-ақ, Үкімет басшысы ЕАЭО аясында ветеринарлық және фитосанитарлық бақылаудан өтуді растау рәсімдерін электронды форматқа көшіру қажеттігін мәлімдеді.
Олжас Бектенов Еуразиялық экономикалық комиссия мен ЕАЭО елдерінің үкіметтеріне қағаз құжаттарға міндетті түрде мөр басудан бас тарту мүмкіндігін қарастыруды және үшінші елдермен ақпараттық өзара іс-қимыл тетіктерін әзірлеумен айналысуды ұсынды.