«Қазтеміртранс» АҚ паркі 1500 жаңа жартылай вагонмен толығады
Корреспондент газеты «Қазақстан теміржолшысы»
«Қазтеміртранс» АҚ-да вагон паркін сенімді жағдайда ұстауға басты назар аударылады. Өткен жылдың қорытындысы бойынша «ҚТТ» АҚ меншігіндегі 7 мыңнан астам жүк вагонында деполық жөндеу жүргізілді. Компания жүк вагондарының паркін жаңарту үшін 2023 жылы 1500 жартылай вагон сатып алу жоспарлануда, деп хабарлайды Rail-news.kz.
Осы жылдың басындағы жағдай бойынша «Қазтеміртранс» АҚ паркінде барлығы 40 мыңға жуық жүк вагоны бар.
Пайдаланудағы вагон паркінің техникалық жай-күйі вагондардың сенімділігімен, жоспарлы жөндеу түрлерінің сапасымен және басқа да сипаттамаларымен айқындалады. Әр жылға арналған мерзімді жөндеуге қажеттілік жоспарлары вагон паркінің жағдайын ескере отырып белгіленеді. Бүгінгі таңда 18 вагон жөндеу депосы «Қазтеміртранс» АҚ вагондары үшін жоспарлы жөндеу түрлерін жүргізуде.