ҚТЖ жұмысшылардың еңбек жағдайын жақсарту үшін 300-ден астам нысанды жөндеуден өткізді
![](https://rail-news.kz/img/noimg.png)
«Қазақстан теміржолшысы» газетінің тілшісі
«Қазақстан темір жолы» ұлттық компаниясы ел өңірлерінде тер төгіп жүрген теміржолшылардың еңбек жағдайын жақсартуда ауқымды жұмыстар жүргізіп келеді, деп хабарлайды Rail-news.kz. Мәселен, үстіміздегі жылы 300-ден астам тұрмыстық ғимараттар мен үй-жайлар жөнделіп, желілерге 2000-нан астам тұрмыстық техникалар жеткізілген. Сонымен қатар 8500-ден астам санитарлық-тұрмыстық құрал-жабдықтар сатып алыныпты. Олар осы жылдың соңына дейін ел өңірлеріндегі теміржол мекемелеріне жеткізілетін болады. Сонымен қатар, қызметкерлерді моральдық көтермелеу бағдарламалары да жетілдірілуде және әлеуметтік пакет те жақсара түсуде. Осы ретте, Компания бұл шараларды жүзеге асыруға қосымша қаражат жұмсамай, оларды үнемделген қаржыдан алып отырғанын айта кеткен жөн. «Үнемдеген ұтады» деген осы және ол үнем игі іске жұмсалып отыр.