«Жолаушылар тасымалы» АҚ тұрмыстық қалдықтарды сатудан пайда түсіріп жүр

«Жолаушылар тасымалы» АҚ-да экологиялық жағдайды жақсартуға қатысты жол картасының жүзеге асырылып жатқанына екінші жыл. ҚР Экологиялық кодексіне сәйкес компанияда стационарлық нысандар мен жолаушылар вагондарында тұрмыстық қалдықтарды бөлек жинау саясаты жүргізілуде.
2019 жылдан бастап қазіргі уақытқа дейін компания тұрмыстық қалдықтарды сату есебінен 2019 ж. – 396 мың теңге, 2020 ж. – 684 мың теңге, 2021 ж. – 1 002 мың теңге, яғни барлығы 2 млн теңгеден астам кіріс алған.
Осы жылдың ақпан айында «Жолаушылар тасымалы» АҚ-ның «Северный» жолаушылар тасымалы аймақтық филиалында пластикалық және алюминий ыдыстарды қабылдау пункті ашылды. Бұл теміржолшылардың шикізатты қайта өңдеуге қабылдау қызметтерінің өкілдерімен бірлескен жұмысының арқасында мүмкін болып отыр. Өнімді тапсырған әрбір қызметкерге қоқысты қайта өңдеу компаниясы прейскурантқа сәйкес ақшалай сыйақы төлейді. Мәселен, кез келген түрдегі пластикалық бөтелке үшін 5 теңге, қаңылтыр банкасына – 2 теңге.
«Жолаушылар тасымалы» АҚ мамандары, бұл жоба табиғатты сақтауға және экомәдениетті дамытуға айтарлықтай үлес қосып, сондай-ақ теміржолдардағы, полигондардағы қоқыс көлемін азайтуға және шикізатты қайта өңдеудің ауқымын арттыруға көмектесетінін айтады. Бір ғана биылғы ақпан айының 1-10 күндері аралығында «Северный» аймақтық филиалының қызметкерлерімен 5894 пластикалық бөтелке мен 933 банка қайта өңдеуге жіберілген.