Шу вокзалының айналасы көгалдандырылмақ
«Қазақстан теміржолшысы» газетінің тілшісі
Биыл тоғыз жолдың торабында тұрған Шу вокзалының алды толық абаттандырылып, қайта жаңғыртылмақ. Оны жергілікті Шу ауданының әкімдігі жүзеге асырады.
Аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Жадыра Каликовтің айтуынша, вокзал алдында тұрған субұрқақ 1989 жылы салынған екен. Отыз жылдан астам уақыт ішінде ол әбден тозып, жарамсыз күйге түскен көрінеді. Ендігі жерде ол субұрқақ алынып тасталып, орнына жасыл төсеніш төселеді. Және вокзал аумағына декоративтік ағаштар егіледі.
Шу вокзалының бастығы Шолпан Арысбаева вокзалға ары-бері өткен пойыздардың бәрі тоқтап, жолаушылардың дені осы жерден оңтүстіктің жеміс-жидегін сатып алғысы келетінін, сондықтан вокзалдағы сервис жоғары, келбеті көз тартар көрікті және заман талабына сай болғаны дұрыс дейді.