«Жәрдем» медициналық пойызы Атырауға жетті

Жаңалықтар
14.06.2022, 10:14
©Rail-news.kz
Сұлугүл Бакесова

«Қазақстан темір жолшысы» газетінің тілшісі

«Жәрдем» мамандандырылған медициналық пойызы 13 маусымнан бастап Атырау облысының шалғайдағы станциялары мен оларға жақын орналасқан елді мекендердің тұрғындарын тегін медициналық тексеруден өткізеді, деп хабарлайды Rail-news.kz.

Сонымен, «дөңгелекті емхана» мамандары 13-14 маусым Туманное, 15-16 маусым Аққыстау, 17-18 маусым Нарын, 19-20 маусым Исатай, 21-22 маусым Афанасьево, 23-24 маусым Ганюшкино, 25-26 маусым Жамансор, 27-28 маусым Мұқыр тұрғындарын таңғы 09.00-ден бастап кешкі 18.00-ге дейін қабылдайды. Жобаның басты мақсаты – медициналық қызметке қолы жетпейтін шалғай аудандардың тұрғындарын сапалы медициналық көмекпен қамтамасыз ету.

«Шалғай ауылдарды аралап, тегін көмек көрсетіп жүрген мамандардың қатарында терапевт, педиатр, кардиолог, невропатолог, офтальмолог, гинеколог, хирург, уролог, маммолог және стоматолог бар. Биыл білікті мамандардың құрамы психолог және дерматовенерологпен толықты. Сонымен қатар биыл стоматологиялық құрылғылар да жаңартылды. Медициналық пойызда биохимиялық талдаулар, рентгенография мен флюорография, ішкі ағзалар мен тамырлардың УДЗ, электрокардиограмма, гастрофиброскопия және диагностикалық зерттеулердің басқа да түрлерін жүргізуге мүмкіндік бар», – дейді «Жәрдем» медициналық пойызының бас дәрігері Айнұр Егінбаева.

Өткен айдың 23-і күні Алматы-2 станциясынан аттанған «Жәрдем» пойызы бұған дейін Маңғыстау облысының шалғайда орналасқан 9 станциясын аралап келген еді. Мамандар ұсынған деректерге сүйенсек, Маңғыстау облысы бойынша 12 000-ға жуық дәрігерлік тексеру жүргізіліп, пойыз мамандары қаралушыларға консультациялық-диагностикалық қызметтер көрсеткен. Әсіресе, халықтың басым бөлігі, яғни 2008 адам ЖПД/терапевт/педиатр дәрігерлеріне көп жүгінген. Одан кейін урологқа 1127 науқас, офтальмологқа 1099 науқас, невропатологқа 1004 науқас және хирург маманына 968 науқас келген. Пойыз дәрігерлері барлығы 1043 ЭКГ, 1087 УДЗ және 583 флюорография процедураларын өткізген. Сонымен қатар 77 шағын хирургиялық ота жасалған. Оның ішінде, тұрақты тісті жұлудың жеңіл түрі – 19 және тісті жұлудың күрделі түрі – 7, жараны дренаждау 51 мәрте жүргізілген. Ақ халатты абзал жандар тексеріс барысында қант диабеті, артроз және артрит, созылмалы пиелонефрит, артериялық гипертензия, омыртқаның остеохондрозы, созылмалы панкреатит және созылмалы холецистит, жатыр миомасы және жатыр мойны эрозиясы, простатит, глаукома, созылмалы бронхит және бронх демікпесі, сондай-ақ, флюоро нәтижесі бойынша туберкулез күдігі бар ауруларды анықтаған. Тіпті, дәрігерлердің көмегімен Қарақия станциясында 4-5 жастағы балалар сүндеттеліп, сондай-ақ №10 разъезде қиын жағдайға түскен сәбиге көмек көрсетілген. Және де олар сырқаты анықталған ауылдардың тұрғындарына жоспарлы ем алуға ауруханаға жату үшін жолдама берген.

Ауыл тұрғындары пандемиядан кейін тегін әрі сапалы медициналық көмек көрсететін пойызды үлкен үмітпен күткендерін жасырмады. Сондай-ақ медициналық пойыз дәрігерлеріне шынайы алғыстарын білдірді. Алдағы уақытта медициналық пойыз Ақтөбе, Батыс Қазақстан, Қызылорда, Түркістан және Жамбыл облыстарын аралайды.

Әлеумет
24.06.2022
Қызылордада теміржолшылардың 75 баласы лагерге аттанды
Әлеумет
24.06.2022
Ақтөбеде теміржолшылардың балалары қауіпсіздік туралы сурет салудан бақ сынады
Аймақтар
24.06.2022
Сай-Өтесте полицейлер мен теміржолшылар қылмысқа бірлесе қарсы тұруға уағдаласты
Жаңалықтар
24.06.2022
Семейде рационализаторлық қызметке арналған тренинг өтті
Аймақтар
24.06.2022
Ақтөбелік электрик жасаған трасформаторларды қозғау құралы кеңінен қолданыста
Инфрақұрылым
24.06.2022
Белкөлде бағыттамалық бұрмалар қалпына келтіріліп жатыр
Аймақтар
24.06.2022
Атырауда мұнай экспортының бәсеңдеуі тасымал қарқынына әсер етті
Жаңалықтар
24.06.2022
«ҚТЖ 100 жаңа есім» жобасының қатысушылары астанада бас қосты
Жаңалықтар
24.06.2022
Литва делегациясы еліміздегі құрлық портының жұмысымен танысты
Жолаушылар тасымалы
24.06.2022
Дисконттық карталардың жолаушылар үшін тиімділігі зор
Мұрағат
24.06.2022
«Қазақстан теміржолшысы» газеті, №47 24 маусым 2022 жыл
Жаңалықтар
22.06.2022
Ақтауда пойыыздағы жолаушының жоғалған заты табылды
Спорт
22.06.2022
Nur-Sultan Half Marathon: астанада 24 теміржолшы марафонға қатысты
Жаңалықтар
21.06.2022
Ақтөбедегі өрт сөндірушілер қатерлі мезгілде қырағылықты күшейтті
Жаңалықтар
21.06.2022
Нұрлы жол вокзалында есірткіге қарсы акция ұйымдастырылды
Жаңалықтар
21.06.2022
Атырау машинистері отын үндемдеу тәсілдерін үйренуге кірісті
Инфрақұрылым
21.06.2022
Төретам менДиірментөбе станциялары арасындағы телімдерде реле ауыстырылып жатыр
Аймақтар
21.06.2022
Семейде теміржол тұйықтарын салу өзекті мәселе
Мұрағат
21.06.2022
«Қазақстан теміржолшысы» газеті, №46 21 маусым 2022 жыл
Жүк тасымалы
20.06.2022
Қазақстан мен Ресей арасында жүк пойыздары штаттық режимде жүріп жатыр