Көпшілік назарына ұсынылды
«Қазақстан теміржолшысы» газетінің тілшісі
Ұлттық компанияда «ҚТЖ» ҰК» АҚ реттеліп көрсетілетін қызметтерді ұсыну жөніндегі қызмет туралы есептің жария тыңдаулары өтті. Жыл сайын өтетін дәстүрлі шараға мемлекеттік органдар өкілдері және қызметті тұтынушылар қатысты.
COVID-19 карантиндік шараларының қолданыста болуына байланысты көпшілік тыңдау конференц-байланыс режимінде, «ҚТЖ» ҰК» АҚ Басқарма төрағасының орынбасары Қ.Әлмағамбетовтің төрағалық етуімен өткен жиында Компанияның 2022 жылғы 1 жартыжылдықта табиғи монополиялар саласындағы қызметтерді ұсынуы бойынша қызметі және ағымдағы жылдың 2 жартыжыл- дығына арналған негізгі міндеттері туралы есебі тыңдалды.
«ҚТЖ» ҰК» АҚ – «Магистральдық желі дирекциясы» филиалының экономика жөніндегі атқарушы директоры Ерлан Қизатов өз сөзінде Компания қызмет тиімділігін арттыру үшін тұтынушыларымен қарым-қатынаста ашық саясат жүргізетінін атап көрсетті. Ол магистральдық темір жол желісі қызметтерін көрсету саласындағы жұмыс көрсеткіштері, көрсетілген қызметтер көлемі мен сапасын орындау, инвестициялық бағдарламаларды іске асыру, негізгі қаржы-экономикалық көрсеткіштерге қол жеткізу және қызметті дамыту перспективалары туралы хабардар етті. Сондай-ақ, тарифтік сметаның тармақтар бойынша орындалуы және қызмет тұтынушыларымен жүргізілетін жұмыс туралы мәлімет берді.
Мәселен, реттелетін қызметтердегі жүк айналымы (экспорт, импорт, ішкі қатынас) 100 092 млн т-км құраса, магистральдық темір жол желісінің реттеліп көрсетілетін қызметтерінен түскен кірісі 179,3 млрд теңгені құраған. Уақытша теңгерімді төлем 4,9 млрд теңге екен. Ал 2022 жылдың бірінші жартыжылдығында реттелетін қызмет- тер бойынша инвестициялардың жалпы көлемі 42,1 млрд теңгеге жеткен. Сондай-ақ кірме жолдарды ұсыну, электр энергиясын беру бойынша реттеліп көрсетілетін қызметтер туралы есеп те көпшілік назарына ұсынылды. Негіздемелері бар толық есеп www.railways.kz сайтының «Инфрақұрылым» бөлімінде орналастырылған.