Теміржолшы студенттер ҚТЖ музейінде болды

Жаңа жыл қарсаңында және Балалар жылы аясында студент-теміржолшыларға «ҚТЖ» ҰК» АҚ-ның орталық музейіне экскурсия ұйымдастырылды. Осылайша Астана қаласының Көлік және коммуникация жоғары колледжінің 40 астам студенті танымдық экскурсияда болды, деп хабарлайды Rail-news.kz.

Экскурсия барысында «ҚТЖ» ҰК» АҚ-ның музей қызметі жөніндегі менеджері Ақмарал Молдашева болашақ теміржолшыларды көлік саласы мен тұтастай алғанда ел қалыптасуының әртүрлі кезеңдерімен, өткен жылдардағы теміржолшылар пайдаланған бірегей аспаптар мен техникалармен таныстырды.

- Маған бұл мұражай, оның ауаны қатты ұнады. Астанадағы «Нұрлы жол» жаңа вокзалының, 100 жылдан асқан темір жолдың әр түрлі экспонаттарын, әр  жылдардағы теміржолшылардың киген киімін, алғашқы паровоздардың, тепловоздар мен электровоздардың макеттерін өз қолыммен ұстап көрдім. Әсіресе мына көне телефондарды, баспа машинкаларын тамашлау өте әсерлі. Бұрын ақпарат жеткізу қаншалықты қиын болғаны таңқаларлық, - деп өз ойымен бөлісті студент Аяулым Орынбасар.

Экскурсия соңында балалар мұражай қонақтары кітабына өз ой пікірлерін қалдырды. Студенттер ұйымдастырушыларға «Қазкөліккәсіп» салалық кәсіподағының қызықты және танымдық бағдарламасы мен естелік сыйлықтары үшін алғыс білдірді.