«Үздік цех» байқауы мәреге жетті
Тараз қаласы бойынша меншікті тілші
Жамбыл байланыс және сигнал беру дистанциясында "Қауіпсіз және дені сау жұмыс ортасы - еңбектегі құқық пен тәртіптің негізі" тақырыбында селекторлық кеңес өтті.
Дүниежүзілік еңбек қорғау күніне орайластырылып өткізілген кеңесте басты тақырып, әрине қауіпсіздік болды. Одан кейін бір апта бұрын өткен "Үздік цех" байқауының қорытындысы шығарылып, жүлдегерлерді марапаттау рәсімі өтті.
Жүлделі бірінші орынды 11 цех (С.Сүгірбеков), екінші орын 8 "Тараз станциясы байланысы" цех (А.Тазабеков), үшінші орынды 12 бекеті Қаратау станциясы (Қ.Саудақұлов) иеленді. Сондай-ақ, еңбекті қорғау инспекторларының арасынан аға техникалық инспекторлар З. Анарбекова мен У.Темірбековалар үздік атанды. Жеңімпаздар қаржылай және бағалы сыйлықтарға ие болды.
Ал, дистанция басшылығы мен кәсіподақ ұйымының төрағасы өндірісте қайтыс болған азаматтардың отбасында болды.
