Жыл басынан бері 3 мыңнан астам жүк вагоны жөндеуден өтті
«Қазақстан теміржолшысы» газетінің тілшісі
Жыл басынан бері «Қазтеміртранс» АҚ паркінің 3 мыңнан астам жүк вагоны жөндеудің жоспарлы түрлерінен өткен.
Жұмыс паркіндегі вагондар санын ұлғайту мақсатында вагондарды сервистік қызмет көрсетуге ауыстыру арқылы жөндеу жұмыстары қосымша ұйымдастырылып отыр. Сондай-ақ вагондарды ағымдық ағытып алып жөндеу және пайдалану мерзімін ұзарта отырып деполық жөндеуден өткізу бойынша жұмыстарды сатып алу жүргізілуде. Әдетте, вагондар өнімділігінің артуына вагон айналымы әсер етеді, алайда ол жүк жөнелтушінің тиеу/түсіру уақытына, Қазақстан аумағындағы пойыздар қозғалысының жылдамдығына тәуелді.
Кәсіпорын тарапынан вагондар айналымын оңтайландыру үшін бірқатар шаралар қабылданған. Атап айтқанда вагондардың, оның ішінде жолдағы және жүк операциялары кезінде бос тұрған вагондардың айналымын бақылау арқылы вагондар паркін тиімді пайдалануды қамтамасыз ету, тасымалдау маршруттары, қайтару мен жолай жүк тиелімін есепке алатын логистикалық схемаларды құру.
«Төмен айналым» бағыттарында паркті пайдалану бойынша уақытылы шешімдер қабылдауды қамтамасыз ете отырып, айналым көрсеткіштерін жақсарту жоспарланып отыр.